Politike

Propozimi i PD për të votuar emigrantët pa dokument identifikimi shqiptar, Celibashi: Nëse palët bien dakord, ne kemi detyrimin për t’i zbatuar...

Celibashi u shpreh se sistemi aktual nuk e mundëson votimin e emigrantëve pa dokument identifikimi shqiptar, por nëse palët politike bien dakord KQZ ka për detyrim ti zbatojë.

4 Shkurt 2025, 11:57 Nga B.Z
Propozimi i PD për të votuar emigrantët pa dokument identifikimi
Ilirjan Celibashi

TIRANË - Kreu i KQZ, Ilirjan Celibashi gjatë konferencës për shtyp me gazetarët u ndal edhe te propozimi i opozitës për  të votuar emigrantët pa dokument identifikimi shqiptar. Lidhur me këtë Celibashi u shpreh se sistemi aktual nuk e mundëson këtë gjë, por nëse palët politike bien dakord KQZ ka për detyrim ti zbatojë.

Celibashi tha se nëse palët bien dakord që identifikimi mund të bëhet edhe përmes dokumenteve të tjera, do të duhet të bëhet një sistem tjetër ose të zhvillohet ky sistem.

Celibashi: PER është ndërtuar për të identifikuar dokumentet e identifikimit të lëshuara nga Republika e Shqipërisë. Nëse palët bien dakord që identifikimi mund të bëhet edhe përmes dokumenteve të tjera, do të duhet të bëhet një sistem tjetër ose të zhvillohet ky sistem. Nuk do më takon të komentoj propozimet që partitë kanë në lidhje me ndryshime të mundshme të kodit. Nëse bien dakord ato, ne kemi detyrimin për t’i zbatuar”, theksoi Komisioneri.

Sondazh

Poll