Sport

Më në fund është zyrtare, Milani prezanton Santiago Gimenez!

Sulmuesi meksikan ka nënshkruar kontratë deri më 30 qershor 2029.”

3 Shkurt 2025, 15:45 Nga DOSJA
Më në fund është zyrtare, Milani prezanton Santiago Gimenez!

ITALI - AC Milan ka zyrtarizuar blerjen më të re Santiago Gimenez: "AC Milan ka kënaqësinë të njoftojë se ka përfunzuar me sukses bisedimet për të patur nën gjirin e tij futbollistin Santiago Tomás Gimenez nga Feyenoord Rotterdam,” - thuhet në shënimin zyrtar nga klubi kuqezi -. “Sulmuesi meksikan ka nënshkruar kontratë deri më 30 qershor 2029.”

I lindur në Buenos Aires (Argjentinë) më 18 Prill 2001, ai u rrit në sektorin e të rinjve të Cruz Azul, ku bëri debutimin e tij me ekipin e parë në gusht 2017, duke bërë 105 paraqitje dhe duke shënuar 21 gola, njëkohësisht arriti të fitojë një Kupë dhe Superkupë Meksikane. Në verën e vitit 2022 ai u transferua te Feyenoord me të cilin zhvilloi 105 paraqitje dhe shënoi 65 gola, duke fituar një kampionat holandez, një Kupë dhe një Superkupë Hollandeze.

Santiago, në tetor 2021, debutoi për kombëtaren e Meksikës, me të cilën krenohet me 32 paraqitje dhe 4 gola. Gimenez do të veshë fanellën me numër 7 të kuqezinjve.

B.T (Dosja.al)

Sondazh

Poll

MË SHUMË