Sport

ZYRTARE/ Rashford kalon nga Man.United, si i huazuar te Aston Villa...

Trajneri Amorim: "Nëse ai shënon, nuk do të jetë e turpshme për ne"

3 Shkurt 2025, 10:00 Nga DOSJA

ZYRTARE/ Rashford kalon nga Man.United, si i huazuar te Aston Villa...

ANGLI - Tashmë është zyrtare: Marcus Rashford po i bashkohet Aston Villas nga Manchester United në formë huazimi për gjashtë muajt e ardhshëm.

Në deklaratën e klubit thuhej: "Aston Villa është e kënaqur të njoftojë nënshkrimin si të huazuar të Marcus Rashford nga Manchester United. Ndërkombëtari anglez, i cili ka bërë 60 ndeshje për “Tre Luanët”, i bashkohet Villas në një marrëveshje deri në fund të sezonit.

Rashford shënoi 138 gola në mbi 400 ndeshje, pasi kishte kaluar në radhët e të rinjve në Old Trafford, dhe ka fituar Europa League, dy Kupa FA dhe dy Kupa të Ligës me klubin e tij të fëmijërisë. Sulmuesi i gjithanshëm, i cili mund të luajë kudo në sulm, gjithashtu ka shënuar edhe 17 gola për Anglinë dhe përfaqësoi vendin e tij në dy Kupa Bote dhe dy kampionate evropiane. Mirë se vini, Marcus!

Pikërisht në fund të ndeshjes së humbur sot nga United, menaxheri i “Djajve të Kuq”,  Ruben Amorim, iu përgjigj atyre që e pyesnin nëse në këtë moment vështirësie do të ishte një skenar i pranueshëm, që klubi ta shihte atë të shënonte për konkurrentët: “Nuk do të ishte e turpshme ta shihje atë të shënojë në një klub tjetër të Premierligës, kur huazoni një lojtar, prisni që ai të luajë dhe të përmirësohet, kështu që nuk ka asgjë të turpshme apo poshtëruese për këtë.”

 
 
 
 
 
View this post on Instagram
 
 
 
 
 
 
 
 
 
 
 

A post shared by Manchester United (@manchesterunited)

B.T (Dosja.al)

 

Sondazh

Poll

MË SHUMË