Sport

Mbappé, “avokati mbrojtës” i Dembélé: "Ai do ta mbyllë vitin me më shumë gola!"...

Ylli i Real Madrid flet për bashkëlojtarin e tij në mkombëtare dhe formën e tij spektakolare në PSG

3 Shkurt 2025, 12:30 Nga DOSJA

Mbappé, “avokati mbrojtës” i Dembélé:

SPANJE - Ousmanne Dembélé është një tjetër. 'Mushkonja' e ka konfirmuar veten si lider absolut në sulm te PSG dhe këtë të shtunë ai mbylli një javë fantastike me “hat-trick”-un e tij të dytë (kundër Brestit) në vetëm katër ditë pas atij që shënoi kundër Stuttgartit në ditën e fundit të fazën e grupeve të Champions League.  

Ish-lojtari i Barcelonës, tashmë i krijuar si një '9' për Luis Enrique Martínez, po përjeton shpërthimin e tij të golave ​​këtë sezon, një aspekt i paparë më parë te një futbollist i karakterizuar nga shpejtësia dhe driblimi i tij duke filluar nga krahu.

Ai ka shënuar 19 gola deri më tani dhe një mik i tij i mirë, Kylian Mbappé, ka analizuar arsyet për këtë shpërthim të tij për L'Equipe.

"Nuk jam i befasuar nga ajo që ai po bën, unë jam ‘mbrojtësi’ i tij i parë. Unë i kam njohur cilësitë e tij që kur ishim 14 vjeç dhe ajo që ai ka përjetuar tani është një ndryshim mendor që e bën atë më të relaksuar para portës," shpjegon lojtari i Real Madridit.

Nuk duhet të vendosen kufij…

Mbappé theksoi gjithashtu se "hapësira e tij për përmirësim varet edhe nga ajo që pret trajneri i tij prej tij në këtë pozicion" dhe se "ai nuk duhet të vendosë asnjë kufi dhe, nëse vazhdon kështu, ai do ta mbyllë vitin me shumë gola".

Kjo frazë e fundit i referohet fjalëve të 'El Mosquito' (Mushkonja) disa muaj më parë, kur tha se kishte vënë një bast (të cilin nuk e zbuloi) me miqtë e tij për shifrën e golit të tij dhe se si çmim do të kishte një “Pateks ose Rolexes”.

Sezoni më i mirë i Dembélé në karrierën e tij sis hënues ishte në 2018-19, kur ai shënoi 14 gola për FC Barcelona, ​​me të cilën fitoi Kupën e Mbretit dhe Superkupën e Spanjës. Vetëm në 2020-2021 ai kaloi dhjetë gola (11) me skuadrën e Barçës. 

B.T (Dosja.al)

Sondazh

Poll

MË SHUMË