Politike

Berisha: Në garazhin e Ajola Xoxës janë gjetur 300 mijë euro! Apartamenti i tyre sekret ishte në emër të Dabullëve

Berisha shtoi se Dabullët me dokumente janë krahu politik i Hakmarrjes për Drejtësi. Ai theksoi se nuk e di a janë shënuar në procesverbale apo jo dhe a janë marrë në sekuestrim këto para.

27 Janar 2025, 12:50 Nga N.F
Berisha: Në garazhin e Ajola Xoxës janë gjetur 300 mijë
Berisha

TIRANË- Kreu i Partisë Demokratike, Sali Berisha ka zhvilluar ditën e sotme një deklaratë për gazetarët. Berisha gjatë fjalës së tij u shpreh në kontrollin e fundit në garazhin e bashkëshortes së kryebashkiakut Veliaj, Ajola Xoxës janë gjetur 300 mijë euro. Ai shtoi se apartamenti top sekret ishte i regjistruar në emër të Dabullëve. 

Berisha shtoi se Dabullët me dokumente janë krahu politik i Hakmarrjes për Drejtësi. Ai theksoi se nuk e di a janë shënuar në procesverbale apo jo dhe a janë marrë në sekuestrim këto para. Sipas tij ata që i shohin edhe i përvetësojnë ose ia lënë të zotit paratë.

Fjala e Berishës:

Së fundmi, dua të informoj qytetarët se në kontrollin e fundit që iu bë Velicës, minierë floriri është.
Po! Në garazh u gjetën 300 mijë euro të fjetura aty. Dhe ai apartamenti top sekret ishte i regjistruar në emër të Dabullëve, Albanit apo Besnikut, sqarojeni vetë ju. Pra, apartamenti top sekret i Lalë Vjedhësit dhe Velicës në Sky Toëer ishte i regjistruar në emrin e Dabullëve, merreni me mend ju sa pasuri kanë ata me Dabullët, me krahun politik të Hakmarrjes për Drejtësi. Dabullët me dokumente janë krahu politik i Hakmarrjes për Drejtësi.


Janë Dabullët që dërgonin arka me minerale kur e kërkonin Shytët, etj. Pra, janë gjetur 300 mijë euro, u regjistruan apo nuk u regjistruan, këtë nuk mund të vë dorën në zjarr. A janë shënuar në procesverbale apo jo dhe a janë marrë në sekuestrim, këtë nuk e di. Sepse ndodh prore që ata që i shohin edhe i përvetësojnë ose ia lënë të zotit. Ka ndodhur. Sa erdhën me Toyota Yaris? 5 milionë, 3.2 milionë janë shënuar aty. 1.8 milionë u vodhën pa dalë nga porti. Pra, 300 mijë u gjetën në kasafortën sekrete të Velicës. Kasaforta gjendej në garazh. Këto kisha unë dhe shumë të tjera do ketë në ditët në vijim.

berisha ajola xoxa

Sondazh

Poll

MË SHUMË