Politike

Dita Ndërkombëtare e Përkujtimit të Holokaustit, Rama-popullit hebre: Shqipëria do të jetë gjithmonë shtëpia juaj! Ejani të ndërtojmë një të ardhme më të përbashkët

Rama shprehet se sot kujtohet se si Shqipëria doli nga Lufta e Dytë Botërore si i vetmi vend evropian me më shumë hebrenj se më parë. 

27 Janar 2025, 12:36 Nga r.ll
Dita Ndërkombëtare e Përkujtimit të Holokaustit,
edi rama

TIRANË- Kryeministri Edi Rama ka kujtuar Ditën Ndërkombëtare të Përkujtimit të Holokaustit përmes një postimi në rrjetet sociale. Rama shprehet se sot kujtohet se si Shqipëria doli nga Lufta e Dytë Botërore si i vetmi vend evropian me më shumë hebrenj se më parë. 

Në një mesazh drejtuar popullit hebre, Rama tha se Shqipëria do të jetë gjithmonë shtëpia e tyre. Ai i ftojë të vijnë të vizitojnë vendin tonë dhe të investojnë në atë që kryeministri e quan "një të ardhme më të përbashkët të rrënjosur në shpresë dhe unitet". 

“Sot, në Ditën e Përkujtimit të #Holocaustit, ne nderojmë milionat e humbur dhe qëndrueshmërinë e atyre që mbijetuan. Kujtojmë gjithashtu me krenari se falë trimërisë së gjyshërve dhe nënave tona (kryesisht myslimane), Shqipëria, një komb i vogël me zemër të madhe, u bë një vend i shenjtë – duke dalë nga Lufta e Dytë Botërore si i vetmi vend evropian me më shumë hebrenj se më parë. Ne qëndruam atëherë, dhe qëndrojmë tani, kundër antisemitizmit dhe islamofobisë. Ne duam që hebrenjtë dhe palestinezët të jetojnë në paqe si fqinjë në dy shtete sovrane; pa tunele terrori poshtë dhe askush nuk e vë në dyshim të drejtën e Izraelit për të ekzistuar. Popullit hebre i themi sot: Shqipëria do të jetë gjithmonë shtëpia juaj. Ejani, vizitoni, investoni dhe le të ndërtojmë një të ardhme më të përbashkët të rrënjosur në shpresë dhe unitet”, thuhet në reagimin e Ramës. 

edi rama dita nderkombetare e perkujtimit te holokaustit

Sondazh

Poll

MË SHUMË