Politike

"Rama si Lukashenko"/ Berisha: Garantoj se çdo dhunim i kodit zgjedhor do shpallet krim kushtetues

Berisha gjatë fjalës së tij shprehet se dje udhëheqësi autoritar bjellorus, Alyaksandr Lukashenko zhvilloi zgjedhjet jo me një, por disa eksponentë të opozitës në burgje. Sipas tij Lukashenko njëlloj si Edi Rama thanë se kanë hapur vetë dyert e burgjeve pasi kanë folur kundër tyre.

27 Janar 2025, 12:35 Nga N.F
"Rama si Lukashenko"/ Berisha: Garantoj se çdo dhunim i kodit
Berisha

TIRANË- Kreu i Partisë Demokratike, Sali Berisha ka zhvilluar ditën e sotme një deklaratë për gazetarët. Berisha gjatë fjalës së tij shprehet se dje udhëheqësi autoritar bjellorus, Alyaksandr Lukashenko zhvilloi zgjedhjet jo me një, por disa eksponentë të opozitës në burgje. Sipas tij Lukashenko njëlloj si Edi Rama thanë se kanë hapur vetë dyert e burgjeve pasi kanë folur kundër tyre.

Ai shtoi se ata burgosin opozitën pasi flasin kundër tyre gjë e cila ndodh edhe për Metën. Berisha tha se me një akt politik të shëmtuar, kriminal, Edi Rama nuk ka shanse në këto zgjedhje. Kreu i PD-së theksoi se garanton se krimet politike do marrin ndëshkimin më të rëndë. 

Fjala e Berishës:

Dje, diktatori i Bjellorusisë zhvilloi zgjedhjet jo me një, por disa eksponentë të opozitës në burgje. I cili, njëlloj si Edi Rama, deklaroi se ata kanë hapur vetë dyert e burgjeve. Sepse kishin folur kundër tij, sepse kishin qëndruar kundër tij. Pikërisht për këtë arsye është në burg Ilir Meta, ish-presidenti, ish-kryeministri, ish-kryetari i parlamentit.


Në një akt politik të shëmtuar, kriminal, Edi Rama nuk ka shanse në këto zgjedhje. Por garantoj se krimet e tij politike do marrin ndëshkimin më të rëndë. Dhe si të tilla nuk do konsiderohen vetëm burgosjet dhe persekutimi i kundërshtarëve, por krim kushtetues politik do konsiderohet çdo dhunim i kodit zgjedhor, serinë e të cilëve ai e vazhdon pandërprerë.

Kjo ishte çështja më kryesore që unë desha të sjell para medieve sot në një ditë shumë të veçantë, pasi nuk ka ndodhur kurrë që të ndryshohen gjykatësit në prag të procesit gjyqësor, në mënyrë që të sigurohet vendimi që do Edi Rama.

berisha edi rama

Sondazh

Poll