Sport

Gakpo në ekstazë: "Uaa, u thyen shumë rekorde!" Salah, goli i 100-të në Premier…

“Mendoj se bëmë një lojë të mirë, shënuam katër gola, por në fund pësuam një, të cilin nuk e donim, sepse donim ta ruanim portën të pastër”.

26 Janar 2025, 08:00 Nga DOSJA

Gakpo në ekstazë: "Uaa, u thyen shumë rekorde!" Salah,

ANGLI - As Salah dhe as Federico Chiesa, nëse dikush do të pyesë. Njeriu i ditës për liderët e Premierligës, Liverpool, ishte Cody Gakpo, i cili edhe një herë u fut në veprim dhe nuk i zhgënjeu pritshmëritë e trajnerit, madje e shpërbleu me një dygolësh ndaj Ipswich në kampionat.

Një gol nga afërsia dhe një me goditje me kokë, e asistuar nga Trent Alexander-Arnold, e çuan totalin e sezonit të tij në 14 gola. Në intervistën e dhënë për kanalet zyrtare të klubit anglez, ai e analizoi kështu rezultatin 4-1 të arritur dje ndaj Ipswich:

"Mendoj se ishte një ndeshje pothuajse perfekte. Krijuam shumë mundësi, padyshim që ata ishin një ekip i vështirë për t'u përballur. Ata luajtën shumë thellë, kështu që ishte shumë e vështirë të krijonim raste, por ne ia dolëm.

Kështu që mendoj se bëmë një lojë të mirë, shënuam katër gola, por në fund pësuam një gol, të cilin nuk e donim, sepse donim ta ruanim portën të pastër. Gjithsesi, në fund mendoj se ishte një paraqitje e mirë dhe tani le të mendojmë për atë të radhës”.

Sa i përket peshës së golit të Szoboszlait, që hapi ndeshjen…
“Po, mendoj se ishte shumë i rëndësishëm goli i hapjes. Jam shumë i lumtur që shënoi Dom, mendoj se ishte një gol i mrekullueshëm nga ai. Ky hapi lojën, më pas ne vazhduam të shtynim edhe në pjesën e pare. Të vazhdojmë kështu dhe të përpiqemi të shënojmë më shumë gola dhe të mbajmë portën e pastër. Por për fat të keq nuk arritëm t'i shmangeshim golit të fundit”.

Për të qenë në vendin dhe kohën e duhur, për të shënuar golin e tij të parë në ndeshje…
"Ne thamë në dhomën e zhveshjes se ky është goli që të gjithë ëndërrojnë, një nga golat më të lehtë për t'u shënuar. Por është gjithmonë bukur të shënosh, ndaj jam i lumtur për këtë”.

Asistim fantastik nga Alexander-Arnold për golin e dytë...
"Po, e pabesueshme. Mendoj se të gjithë e dinë se ai mund të bëjë një krosim të tillë dhe ai e bëri përsëri. Mendoj se ishte një goditje e mirë me kokë, por një top vërtet i përsosur nga Arnold."

Tre pikë të tjera të fituara në Anfield...
"Unë mendoj se ishte një lojë shumë e rëndësishme... ndoshta të gjithë mendojnë se duhet të fitojmë në shtëpi, por çdo ndeshje është e vështirë, veçanërisht në drejtimin ku jemi. Kështu që ne duhet të vazhdojmë të fitojmë dhe të luftojmë."

Salah, shënoi golin e tij të 100-të në Premier League në Anfield dhe u rendit i shtati në listën e golashënuesve të të gjitha kohërave të Premier League…
"Uau. U thyen kaq shumë rekorde... çfarë mund të them? Urime Mo, mendoj se është diçka vërtet e veçantë për të, për ne dhe për klubin”.

B.T (Dosja.al)