Politike

"Nga 4 a 5 postime të Ramës në Facebook, 2 janë për bektashinjtë dhe një me Baba Mondin"/ Gazetari: Sot ishte dita për një komunitet tjetër, kryeministri tregoi mungesë respekti për ortodoksët shqiptarë

Mulosmani shprehet se sot ishte momenti për një komunitet tjetër. Kjo sepse ortodoksët shqiptarë kanë humbur një njeri të shtrenjtë, Kryepeshkopin Anastas Janullatos.

25 Janar 2025, 20:24 Nga r.ll
"Nga 4 a 5 postime të Ramës në Facebook, 2 janë
ermal mulosmani

TIRANË- Gazetari Ermal Mulosmani përmes një postimi në rrjetet sociale shkruan se kryeministri Edi Rama nga 5 postimet e tij të sotme në Facebook, rrjetin më të madh të komunikimit të tij, 2 prej tyre janë për aktivitetin e 95-vjetorit të vendosjes së Kryegjyshatës Botërore të Bektashinjve në Shqipëri. Ndërsa në një tjetër poostim ka vënë si "FOTO E DITËS" një foto me Baba Mondin nga aktiviteti. 

Mulosmani shprehet se sot ishte momenti për një komunitet tjetër. Kjo sepse ortodoksët shqiptarë kanë humbur një njeri të shtrenjtë, Kryepeshkopin Anastas Janullatos. Sipas gazetarit "foto e ditës" nga kryeministri në Facebook, duhet të ishte për Kryepeshkopin. Mulosmani shprehet se ndonëse e ka shprehur ngushëllimin e tij, ky veprim ishte mungesë respekti për komunitetin e ortodoksëve shqiptarë

POSTIMI I PLOTË: 

Kryeministri i Shqipërisë ka bërë sot 4 a 5 postime në FB, rrjetin më të madh të komunikimit të tij. Në 2 prej tyre merret me fjalën përshëndetëse drejtuar komunitetit bektashi me rastin e 95 vjetorit të shpalljes së Tiranës si qendër Botërore e kësaj feje. Ndërsa në një tjetër ka vënë si "FOTO E DITËS" një foto me Baba Mondin.

Shumë mirë. Politikisht është në linjën e shpalljes së shtetit bektashi dhe nuk mund të humbë rast të shpalosë dashurinë e tij më të fundit.

Mirëpo sot ishte momenti për një komunitet tjetër. Ortodoksët shqiptarë kanë humbur një njeri të shtrenjtë, Kryepeshkopin Anastas. Momenti ishte që foto e ditës të ishte për Anastasin .

Dhe unë nuk kam kurrfarë njohje apo simpatie për Janullatosin. Po për komunitetin e ortodoksëve shqiptarë po, kam respekt. Ishte mungesë respekti për ta. Demonstrativ. E di që i ka ngushëlluar. Por jo me zulmën e qokës së bektashiut Ferdinand.

ermal mulosmani edi rama

Sondazh

Poll