Politike

I pandehur për fshehje pasurie, Dogjani del nga GJKKO: Kërkesat e mia u pranuan, vendimi shpallet të premten

Jashtë ambjenteve të GJKKO për gazetarë Dogjani është shprehur se kërkesat e tij janë pranuar dhe se gjyqtarja e çështjes vendimin përfundimtar do ta shpallë të premten, 24 janar, ora 10:00.

22 Janar 2025, 14:57 Nga B.Z
I pandehur për fshehje pasurie, Dogjani del nga GJKKO: Kërkesat e mia
Asllan Dogjani

TIRANË - Deputeti demokrat, Asllan Dogjani ka dalë nga ambjentet e GJKKO, aty ku u mbajt seanca paraprake ndaj tij, i cili akuzohet nga SPAK për fshehje pasurie. Jashtë ambjenteve të GJKKO për gazetarë Dogjani është shprehur se kërkesat e tij janë pranuar dhe se gjyqtarja e çështjes vendimin përfundimtar do ta shpallë të premten, 24 janar, ora 10:00.

Dogjani: Vendimi i gjyqtares Rudina Palloj tregoi se ka gjyqtarë të zotë. Uroj që sistemi i drejtësisë të ketë sa më shumë gjyqtarë si kjo sot, që vendosi pavlefshmëri, papërdorshmëri dhe dha një vendim shumë të drejtë. Ajo vendimin përfundimtar do ta japë të premten, por kërkesat tona u pranuan. Sot dha papërdorshmëri, atë që kishim kërkuar ne dhe do të shprehet për pushimin e çështjes ditën e premte.

Dogjani akuzohet për fshehje të pasurisë. Prokuroria e Posaçme Kundër Korrupsionit dhe Krimit të Organizuar mbylli hetimet pak ditë më parë dhe përcolli pranë Gjykatës së Posaçme të Shkallës së Parë për Korrupsionin dhe Krimin e Organizuar kërkesën për gjykim ndaj të pandehurit deputetit të PD, Asllan Dogjani. Sipas njoftimit zyrtar, Dogjani akuzohet për kryerjen e veprës penale deklarim i rremë i pasurisë në lidhje me një apartament që ai ka përfituar.

 

asllan dogjani dritan leli ne spak rovena voda ne gjkko

Sondazh

Poll

MË SHUMË