Politike

"Arabia Saudite, shembull në turizëm!" Rama në Forumin Ekonomik Botëror në Davos: Europa të fillojnë të shkurtojnë burokracitë

 Rama tha se autoritetet shqiptare po përpiqen të mësojnë nga modelet e zhvillimit të turizmit në Arabinë Saudite dhe vendet e Gjirit.

22 Janar 2025, 14:23 Nga M.B
"Arabia Saudite, shembull në turizëm!" Rama në Forumin
Edi Rama

DAVOS- Kryeministri Edi Rama ishte i ftuar në tryezën me tematikë “Mënyra se si do të udhëtojmë” për të diskutuar mbi shifrën rekord të turistëve kohët e fundit në Forumin Ekonomik Botëror në Davos. Rama tha se autoritetet shqiptare po përpiqen të mësojnë nga modelet e zhvillimit të turizmit në Arabinë Saudite dhe vendet e Gjirit. Ai po ashtu komentoi dhe  vendet elitare të turizmit në Evropë, për të cilat tha se duhet të fillojnë të shkurtojnë burokracitë.

“Për shembull, Arabia Saudite dhe vendet e Gjirit janë vende të jashtëzakonshme për të mësuar dhe sapo të mësoni se si po ia dalin mbanë, zbuloni përtej të gjitha miteve dhe stereotipeve, se ata po investojnë jashtëzakonisht në njohuri dhe në arsim, në aftësitë më të mira. Pra, kjo është ajo që ne po përpiqemi të bëjmë, siç thashë më parë ne po angazhojmë arkitektë të mrekullueshëm që janë shumë të lumtur të punojnë me ne, dhe ne po u japim jetë produkteve arkitektonike që nuk i gjeni në rajon

Mendoj se Evropa është e bekuar. Shikoni Greqinë, Italinë, Francën, ata janë të bekuar nga e kaluara e tyre e cila ka qenë e lavdishme. Problemi i Evropës sot ka të bëjë me mendësinë e tyre, duhet të ndalojnë mbirregullimin dhe të fillojnë të shkurtojnë burokracitë dhe të fillojnë ta bëjnë kontinentin shumë më fleksibël dhe shumë më të lirë”, tha Rama.

edi rama

Sondazh

Poll

MË SHUMË