Sport

VIDEO/ Liverpool fiton në fund ndaj Brentfordit dhe rrit epërsinë… në krye

Reds mposhtën Brentfordin 2-0 me Nunez dhe bëjnë detyrën: “Topçinjtë” shkojnë në -6 pas barazimit 2-2 me Aston Villa

19 Janar 2025, 07:30 Nga DOSJA

VIDEO/ Liverpool fiton në fund ndaj Brentfordit dhe rrit

ANGLI - Në ditën e 22-të të Premier League, Liverpool gjeti tre pikët, me një fitore 2-0 në Brentford, falë një dopiede nga Nunez në kohën e shtuar.

Uruguajani Nunez shpëton Liverpoolin nga një tjetër barazim, Brentford u dorëzua në kohën e shtuar 2-0. Dominim total i Reds në dyzet e pesë minutat e para, por “Bletët” arritën disi të mos pësonin gol: gati njëzet goditje dhe nëntë goditje nga këndi nga skuadra e Arne Slot, e cila megjithatë nuk arriti të depërtonte.

Mundësia më e qartë i ra në kokë Luis Diaz në çerek ore, por kolumbiani e largoi nga afër. Në minutën e 35-të fati i keq sfidoi edhe mysafirët, me gjuajtjen e shkëlqyer të Szoboszlait, që goditi traversën. Gjërat nuk ndryshuan shumë as në pjesën e dytë: mysafirët krijuan një numër të madh rastesh, por nuk arritën të godisnin.

Kur gjithçka sugjeron një barazim pa gola, ja ku vjen njeriu i providencës, Darvin Nunez. Uruguajani e theu ngërçin në minutën e 91-të dhe e mbylli ndeshjen me golin 1-0 me asistimin e Alexander-Arnold, dy minuta më vonë dyfishoi epërsinë me dopiedën e tij shumë të rëndë në kohën e shtuar (93’).

Liverpool fiton 2-0 dhe arrin në 50 pikë në renditje, ende në krye të Premier League. Brentford u ndal në 28, në vendin e njëmbëdhjetë.