Kryeministri tha se kjo shkon në funksion të pavarësisë nga importi i energjisë dhe që së shpejti të bëhemi një vend eksportues në BE.
TIRANË- Kryeministri Edi Rama po zhvillon një vizitë zyrtare në Abu Dab. Në një postim në rrjetet sociale, Rama njoftoi se do të finalizohet marrëveshja trilaterale për lidhjen nënujore energjetike mes Shqipërisë dhe Italisë.
Ai shprehet në videon e mëposhtme, se lidhja do të ketë një pronësi të trefishtë e do të mbështetet në investime domethënëse të përbashkëta në rritjen e kapaciteteve prodhuese të Shqipërisë. Kryeministri tha se kjo shkon në funksion të pavarësisë nga importi i energjisë dhe që së shpejti të bëhemi një vend eksportues në BE.
“Përshëndetje nga Abu Dhabi. Për pak do të vendosim një tjetër gur kilometrik, në rrugën tonë drejt pavarësisë energjetike. Së bashku me kryeministrin e Italisë, miken e shtrenjtë, Giorgia Meloni, me ftesë të presidentit të Emirateve të Bashkuara Arabe, një tjetër mik, finalizojmë marrëveshjen trilaterale për lidhjen nënujore energjetike mes Shqipërisë dhe Italisë, si dhe rritjen e prodhimit të energjisë diellore në Shqipëri. Lidhja do të ketë pronësi të trefishtë. Kjo shkon edhe në funksion të ambicies sonë për t’u bërë të pavarur nga importi por na jep edhe një rol së shpejti si eksportues në BE. Shqipëria është sot vendi me kapacitetin më të lartë të vetprodhuesve nga energjia diellore në rajon. Energjia e prodhuar nga dielli ka kaluar në zero përqind në afro 10 përqind të prodhimit tonë energjetik dhe plani ynë është arrijmë 30% brenda mandatit tonë të katërt. Shqipëria ishte i vetmi vend në rajon që nuk e rriti çmimin e energjisë elektrike gjatë krizës europiane gjatë vitit 2022-2023 dhe që nga 1 shkurti Shqipëria do të bëhet zyrtarish i vetmi vend europian që ul çmimin e energjisë.”, tha Rama.
Kryeministri Edi Rama ka udhëtuar dje drejt Emirateve të Bashkuara Arabe, në kuadër të pjesëmarrjes në eventet e Javës së Qëndrueshmërisë së Abu Dhabit 2025, (Abu Dhabi Sustainability Week (ADSW). Kjo është një platformë globale, e mbështetur nga Emiratet e Bashkuara Arabe dhe lideri i saj i energjisë së pastër, Masdar, për të adresuar sfidat më emergjente të qëndrueshmërisë në botë, përmes diskutimeve të përbashkëta mes vendeve, që përshpejtojnë zhvillimin e përgjegjshëm dhe nxisin përparimin gjithëpërfshirës ekonomik, social dhe mjedisor.
Gazment Bardhi TIRANA- Kryetari i Grupit Parlamentar PD-së, Gazment Bardhi, lidhur me zgjedhjet e 11 majit dhe primaret e PD-së. I ftua...
Edi Rama dhe Sali Berisha TIRANA-Anketa Kombëtare e Institutit Ndërkombëtar Republikan (IRI) nxjerr në pah se sa i takon mbështetj...
Gazment Bardhi TIRANË- Kreu i Grupit Parlamentar të Partisë Demokratike, Gazment Bardhi komentoi mundësinë e paditjes së tij...
Gazment Bardhi TIRANA- Kreu i Grupit Parlamentar të PD, Gazment Bardhi, ka folur sot edhe mbi qëndrimin e tij për institucionin e SPAK....
foto ilustruese TIRANË- Kreu i Partisë Demokratike Sali Berisha ka kujtuar 35 vjetorin e demonstratave të fuqishme të datave 13-14...
Gazment Bardhi TIRANA- Kreu i Grupit Parlamentar të PD, Gazment Bardhi, ka diskutuar sot pezullimin e çështjes “Xibraka” ...
Gazment Bardhi TIRANA- Kreu i Grupit Parlamentar të Partisë Demokratike, Gazment Bardhi, ka komentuar sot pezullimin e çështjes ...
Foto ilustruese TIRANA- Anketa Kombëtare e Institutit Ndërkombëtar Republikan (IRI) nxjerr në pah se Lidhur me zgjedhjet e ardhshm...
Foto ilustruese TIRANA- Nga Anketa e Institutit Republikan doli po ashtu që më pak se gjysma e të anketuarve (49%) janë të k&...
Kuvendi TIRANA- Anketa Kombëtare e Institutit Ndërkombëtar Republikan (IRI) gjeti se Struktura e Posaçme Kundër Korrupsioni...