Politike

Kishte paditur për shpifje Berishën, deputetë dhe disa gazetarë, pushohet çështja e nisur nga avokatja Valentina Teodoresku

Teodoresku është avokatja e cila në profilin e saj në Facebook kishte postime pro qeverisë Rama dhe u caktua nga gjykata si avokate mbrojtëse e Berishës në seancën e verifikimit të masës së parë ‘detyrim për paraqitje’ dhe ‘ndalim të daljes jashtë shtetit’, tetorin e vitit 2023.

13 Janar 2025, 13:14 Nga I.A
Kishte paditur për shpifje Berishën, deputetë dhe disa
Valentina Teodoresku

TIRANË- Gjykata e Posaçme ka vendosur të pushojë çështjen penale të nisur pas një kallëzimi për ‘shpifje’ të avokates Valentina Teodoresku kundër kryetarit të Partisë Demokratike, Sali Berisha, tre deputetëve të PD dhe disa gazetarëve. Teodoresku është avokatja e cila në profilin e saj në Facebook kishte postime pro qeverisë Rama dhe u caktua nga gjykata si avokate mbrojtëse e Berishës në seancën e verifikimit të masës së parë ‘detyrim për paraqitje’ dhe ‘ndalim të daljes jashtë shtetit’, tetorin e vitit 2023.

Teodoresku pretendoi si shpifëse deklaratat publike të të kallëzuarve prej saj ku e identifikonin si patronazhiste dhe ish-hetuese të kohës së diktaturës. Sipas vendimit të gjykatës, pushimi i çështjes është bërë për shkak të mosparaqitjes pa shkaqe të arsyeshme të kallëzueses Teodoresku në seancën e së hënës.

valentina teodoresku

Sondazh

Poll