Topalli iu bën thirrje emigrantëve për votim, pasi sipas saj ata mund të ndikojnë në ndryshimin e drejtimit të vendit.
TIRANË- Më 11 janar nis procesi i regjistrimit të diasporës për zgjedhjet e 11 majit, teksa drejtuesja politike e PD-së, Jozefina Topalli bën thirrje për pjesëmarrje masive. Përmes një postimi në "Facebook", Topalli thekson rëndësinë e votës së diasporës, duke e konsideruar si një mundësi historike.
Topalli iu bën thirrje emigrantëve për votim, pasi sipas saj ata mund të ndikojnë në ndryshimin e drejtimit të vendit. Sipas Topallit, vota e diasporës mund të ndihmojë të krijohet një drejtim i ri, që ndalon largimin masiv dhe rikthen shpresën.
Postimi i plotë i Jozefina Topallit:
Për tre ditë, më 11 janar, nis regjistrimi i diasporës për zgjedhjet e 11 majit 2025. Është momenti juaj për të marrë pjesë në të ardhmen e Shqipërisë, duke ushtruar një nga të drejtat më të rëndësishme demokratike – votën tuaj. Regjistrimi bëhet shpejt dhe lehtë në platformën zyrtare të KQZ. Mos e lini pas dore këtë mundësi historike për të ndikuar në ndryshimin e drejtimit të vendit. Shqipëria ka nevojë për zërin tuaj! Përse diaspora duhet të votojë më 11 maj 2025
Të dashur bashkëkombës, rëndësia e votës së diasporës në zgjedhjet e 11 majit 2025 shkon përtej aktit formal të votimit – ajo është një thirrje për të marrë pjesë aktive në të ardhmen e Shqipërisë. Diaspora shqiptare, e shpërndarë në mbarë botën, është një pasuri e jashtëzakonshme për atdheun tonë, dhe zëri i saj mund të jetë vendimtar për të ndryshuar një situatë kritike që ka mbërthyer vendin.
Shqipëria po përjeton një nga shpopullimet më të mëdha në historinë e saj, duke humbur jo vetëm numra por edhe energjinë, pasionin dhe fuqinë e njerëzve të saj më të rinj dhe më të mirë. Nëse ky trend vazhdon, e ardhmja jonë do të jetë në rrezik serioz.
Përmes votës, ju mund të ndihmoni të krijohet një drejtim i ri, që ndalon largimin masiv dhe rikthen shpresën.
Vota juaj është fuqia që mund të sjellë ndryshimin. Është e drejtë dhe përgjegjësi për të ndihmuar në përmbysjen e një situate ku vendi ynë ka nevojë më shumë se kurrë për udhëheqje të përgjegjshme, reforma të thella dhe politika që përqafojnë diasporën jo si simbol, por si pjesë aktive të zhvillimit kombëtar.
Në 11 maj 2025, le të bëhet vota juaj një akt dashurie për Shqipërinë. Ju mund të jeni ndryshimi që vendi ka pritur. Koha është tani – një Shqipëri më e fortë dhe më e drejtë fillon me ju.
Belinda Balluku TIRANA- Zv.kryeministrja njëherësh dhe ministrja e Infrastrukturës dhe Energjisë, Belinda Balluku foli sot në nj&e...
Edi Rama TIRANË- Kryeministri Edi Rama ka deklaruar se ulja e çmimit të energjisë elektrike në vend përkthehet me fjal...
Edi Rama TIRANË- Kryeministri Edi Rama ka deklaruar se Shqipëria është vendi i parë në rajon për energjinë sol...
Edi Rama TIRANË- Kryeministri Edi Rama ka deklaruar se ulja e çmimit të energjisë elektrike është e para në vendi...
Adriana Kalaja TIRANË- Kryetarja e Komisionit të Apelimit në Partinë Demokratike Adriana Kalaja ka depozituar një kallëzim pe...
zyrtaret TIRANË- Prokurorja e Posaçme Anita Jella do të jetë pjesë e hetimit dhe përfaqësimit të organit të ...
Edi Rama TIRANA- Kryeministri Edi Rama thotë se nisja e fluturimeve direkte Shqipëri-Izrael është një lajm fantastik p&e...
Marisa Nito TIRANË- Gruaja e biznesmenit Elman Abule, Marisa Nito është thirrur sot në Prokurorin e Posaçme n kuadr t hetimeve t...
Sali Berisha dhe Pandeli Majko TIRANA- Deputeti i Partisë Socialiste, Pandeli Majko i ka dërguar shkresë zyrtare Shërbimit In...
votimi KOSOVË- Procesi i votimit për votuesit e regjistruar jashtë Kosovës do të nisë ditën e nesërme, më 9 ja...