Aktualitet

Kryeministri i Greqisë viziton në spital kryepeshkopin Anastas Janullatos

Protothema raportoi më herët se, shëndeti i Kryepeshkopit është përkeqësuar mbrëmjen e së shtunës, ndërsa ekipi mjekësor i spitalit, i drejtuar nga profesoresha e Pulmologjisë dhe Kujdesit Intensiv, Anastasia Kotanidou, vijon monitorimin e tij.

5 Janar 2025, 17:32 Nga r.ll
Kryeministri i Greqisë viziton në spital kryepeshkopin Anastas
mitsotakis, janullatos

GREQI- Kryeministri i Greqisë, Kyriakos Mitsotakis ka vizituar ditën e sotme në spitalin "Evangelismos", kryepeshkopin Anastas Janullatos. Raportohet se Mitsotakis, u informua nga profesoresha e Pulmologjisë dhe Kujdesit Intensiv, Anastasia Kotanidou, për gjendjen shëndetësore të kryepeshkopit.

Protothema raportoi më herët se, shëndeti i Kryepeshkopit është përkeqësuar mbrëmjen e së shtunës, ndërsa ekipi mjekësor i spitalit, i drejtuar nga profesoresha e Pulmologjisë dhe Kujdesit Intensiv, Anastasia Kotanidou, vijon monitorimin e tij.

Para shtrimit në spital në "Evangelismos", 95-vjeçari, i cili ka një histori të komplikuar mjekësore, kishte shfaqur simptoma të virusit. Ai u shtrua fillimisht në një spital në Tiranë. Megjithatë, mjekët raportuan se pas përkeqësimit të shëndetit të tij, u vendos transferimi i tij në Greqi për të marrë kujdesin e specializuar mjekësor. 

Ai u transportua nga Shqipëria me një mjet të Forcave Ajrore Greke. Transporti u krye me një avion C-27. Ai u shoqërua nga një mjek dhe dy infermierë. Avioni u ul në aeroportin ushtarak të Elefsinës në orën 19:34 të së enjtes mbrëma dhe menjëherë më pas Kryepeshkopi u transferua në spitalin “Evangelismos”.

kyriakos mitsotakis anastas janullatos

Sondazh

Poll

MË SHUMË