Sport

Real Madridi nis të përgatitet për Kupën e Mbretit… pa talentin Arda Güler

Talenti turk, me grip, u stërvit në palestrën e Real Madrid City

4 Janar 2025, 14:40 Nga DOSJA

Real Madridi nis të përgatitet për Kupën e Mbretit…

SPANJE - Real Madridi ktheu faqen nga fitorja ndaj Valencias në Mestalla (1-2) dhe ka nisur përgatitjet për ndeshjen e Kupës së Mbretit.

Lojtarët e Ancelottit do të debutojnë në këtë kompeticion kundër Deportiva Minera në një duel që do të luhet të hënën, më 6 janar, në stadiumin Cartagonova (19:00).

Mëngjesin e sotëm Ancelotti kishte jashtë fushës vetëm turkun Arda Güler, i cili u stërvit në palestër për shkak të gripit.

"Titullarët kundër Valencias kryen punë rikuperimi. Pjesa tjetër e skuadrës bëri ushtrime fizike nën urdhrat e Antonio Pintus. Më pas, ata përfunduan me posedimin e topit, punë taktike dhe luajtën disa ndeshje në fusha të vogla",- shpjegon Real Madrid në faqen e tij të internetit.

Alaba vazhdon të hedhë hapa për rikuperimin e tij dhe ka përfunduar sërish një pjesë të stërvitjes me grupin.

B.T (Dosja.al)

Sondazh

Poll

MË SHUMË