Politike

Protesta e opozitës në Tiranë, Salianji nga burgu: Rama ka asgjësuar zgjedhjet e lira, qeveria kujdestare është themeli për rikthimin e normalitetit demokratik

Salianji shprehet në mesazhin e tij se kryeministri Edi Rama ka asgjësuar zgjedhjet e lira dhe institucionet e pavarura, duke rrënuar sipas tij, shtetin e së drejtës. 

23 Dhjetor 2024, 19:10 Nga r.ll
Protesta e opozitës në Tiranë, Salianji nga burgu: Rama ka
ervin salianji

FIER- Ish-deputeti i Partisë Demokratike, Ervin Salianji ka reguar nga burgu për protestën e opozitës që po zhvillohet prej më shumë se dy orësh në kryeqytet.

Salianji shprehet në mesazhin e tij se kryeministri Edi Rama ka asgjësuar zgjedhjet e lira dhe institucionet e pavarura, duke rrënuar sipas tij, shtetin e së drejtës. 

Më tej ai thotë se qeveria kujdestare është themeli për të krijuar zgjedhje të lira dhe për të rikthyer normalitetin demokratik në vend. 

REAGIMI I SALIANJIT: 

Shkalla e kontrollit dhe diktatit që ushtron mbi çdo institucion, mbi publiken dhe privaten shkon në nivelin e autokratucëve që janë nen efektin permanent të paranojes dhe frikes për humbjen pushtetit privilegjeve dhe imunitetit para drejtësisë. 

Me sundimin e tij Edi Rama ka asgjesuar zgjedhjet e lira, institucionet e pavarura çka ka sjellë rrënim të shtetit të së drejtës të lirive dhe garancive, të gjitha të replikuara nga çizmja me humor të luhatur e një individi. Vullneti i tij ka zëvëndësuar ligjin dhe ka prodhuar padrejtësi, pabarazi dhe ka larguar mijëra qytetarë.

Qeveria kujdestare është themeli për të krijuar kushtet për zgjedhje të lira, të barabarta dhe të ndershme e më pas për të ndërtuar institucionet e pavarura e për tē rikthyer normalitetin demokratik. Shqipëria nuk është pronë dhe as çiflig i bandave kriminale, as skotēs qeveritare, ato dhe padroni i tyre janë fatkeqësia e Shqipërisë!

ervin salianji

Sondazh

Poll

MË SHUMË