Politike

Hoxhaj në mbledhjen e dy Kuvendeve: Bashkëpunimi mes Shqipërisë dhe Kosovës, prioritet i çdo politike

Nënkryetari i Kuvendit të Kosovës theksoi gjithashtu në fjalën e tij se Hashim Thaçi e të tjerët po mbahen padrejtësisht në Hagë.

20 Dhjetor 2024, 14:44 Nga r.ll
Hoxhaj në mbledhjen e dy Kuvendeve: Bashkëpunimi mes
Enver Hoxhaj

TIRANË- Nënkryetari i Kuvendit të Kosovës, Enver Hoxhaj ka mbajtur fjalën e tij në mbledhjen e përbashkët të dy parlamenteve. Hoxhaj tha se Shqipëria ka qenë mburojë sigurie për Kosovën, dhe zëri i saj në çdo institucion.

Nënkryetari i Kuvendit të Kosovës theksoi gjithashtu në fjalën e tij se Hashim Thaçi e të tjerët po mbahen padrejtësisht në Hagë. Ai u shpreh i sigurt se rikthimi i tyre do të jetë si fitimtare. 

“Shqipëria ka qenë mburoja jonë e sigurisë, kur ne si popull u përballëm me gjenocid. Ky rikthim i imi në histori, e ka një qëllim, për të thënë faleminderit Shqipëri. Shqipëria nuk ka pasur vetëm një rol solidar, por rol vendimtar dhe mbështetës për Kosovën ne jemi mirënjohës për mbështetjen, për lobimin që ka bërë për njohjen ndërkombëtare të saj. Duke qenë dikush që ka qenë pjesë e procesit politik, kudo ku nuk kapur mundësi të flasë Kosova, ka qenë zëri i Shqipërisë dhe prania e Shqipërisë ka qenë edhe si përfaqësim i Kosovës. Mirënjohje Ramës edhe për atë çfarë tha sot në Kuvend, por edhe për atë se çfarë thotë dhe bën qeveria e shtetit shqiptar në mbështetjen zyrtare, politike dhe publike të kauzës së drejtë të Thaçit, Veselit, Krasniqit, Selimit dhe gjithë UÇK që padrejtësisht po mbahen në Hagë, të sigurt se do kthehen fitimtarë dhe faqebardhë”, tha Hoxhaj.

Sondazh

Poll