Politike

Berisha publikon mesazhin: Narkoshteti po mobilizon trupën kriminale elektorale më të rrezikshme të të gjitha kohërave

Gjatë konferencës me gazetarët, Berisha thekson se zhvillimet e reja dëshmojnë se po rrezikohet vota.

13 Dhjetor 2024, 13:39 Nga ZH.LL
Berisha publikon mesazhin: Narkoshteti po mobilizon trupën kriminale
Berisha

TIRANË- Kryedemokrati Sali Berisha ka publikuar mesazhin e një punonjësi të bashkisë së Fierit, që është nën kërcënimin e vendit të punës pasi duhet të sigurojë vota për zgjedhjet e ardhshme.

Gjatë konferencës me gazetarët, Berisha thekson se zhvillimet e reja dëshmojnë se po rrezikohet vota. Sipas Berishës, narkoshteti siç ai e quan, po mobilizon të gjithë potencialet e tij për t’u shndërruar në trupin kriminal elektoral më të rrezikshëm të kohërave.

"Një seri zhvillimesh të reja dëshmojnë se narkoshteti po mobilizon të gjithë potencialet e tji për t’u shndërruar në trupin kriminal elektoral më të rrezikshëm të kohërave.
Punonjësit civilë të qeverive vendore, të arsimit, punonjësit e ambasadave të Shqipërisë në botë, po shndërrohen në kundërshtim me ligjet dhe Kushtetutën, në kriminelë të vërtetë elektorale.
Unë këtu dua të lexoj vetëm një mesazh që dëshmon fytyrën kriminale të hajdutit Subash të Fierit.
-Jam e mërzitur dhe e lodhur, thotë punonjësja.
-Pse, çfarë ke?
-Do më heqin nga puna.
-Pse?
-Ngaqë nuk gjej të afër që jetojnë jashtë shtetit për votimet. -Për gjëra koti që iu tek kryetarit të bashkisë Fier.
-Mjerë ju çfarë u ka gjetur. Hidheni në gjyq?
-E fiton ai gjyqin se e njeh ligjin.
-Po të hoqën për këto motive, fiton ti, jo ai. Janë mësuar këta që njerëzit që nuk i duan, i heqin nga puna.
Pra, arrin gjer në shkallë cinizmi i narkoshtetit sa që të heq nga puna nëse nuk ke në rrethin tënd familjarë që të japin emrat e tyre.", tha Berisha.

sali berisha votat

Sondazh

Poll