Politike

"Sulmin terrorist në Kosovë e dënova ashpër", Lajçak flet për stabilitetin në Ballkanin Perëndimor: Kam njoftuar shtetet e BE-së për dialogun

Lajçak ka folur për zhvillimet e fundit dhe stabilitetin në Ballkanin Perëndimor, teksa ka përmendur sulmin terrorist në Kosovë duke shprehur se e ka dënuar ashpër sulmin.

9 Dhjetor 2024, 10:58 Nga ZH.LL
"Sulmin terrorist në Kosovë e dënova ashpër",
Lajcak

KOSOVË- Emisari i posaçëm i BE-së për dialogun Kosovë-Serbi, Miroslav Lajçak, ka bërë një përmbledhje të aktiviteteve të tij të javës që lamë pas.

Lajçak ka folur për zhvillimet e fundit dhe stabilitetin në Ballkanin Perëndimor, teksa ka përmendur sulmin terrorist në Kosovë duke shprehur se e ka dënuar ashpër sulmin. Ndër të tjera Lajçak thotë se ka njoftuar shtetet e BE-së për dialogun.

Duke bërë përmbledhjen e angazhimeve, Lajçak ka bërë të ditur se angazhimet në ditët në vijim do të jenë po aq të ngarkuara me takime dhe misione zyrtare.

Postimi i plotë:

Rrallëherë ka një moment të mërzitshëm në diplomaci.
Udhëheqja e re e BE-së më në fund mori zyrat e veta, Kosova përjetoi një sulm të dënueshëm terrorist që synonte infrastrukturën kritike - një akt që e dënova fuqishëm - dhe bota diplomatike po përgatitet për sprintin e zakonshëm të fundvitit.
Ishte e rëndësishme të shihej se në javën e tyre të parë në detyrë, Presidenti i Këshillit Costa, HR/VP Kallas dhe Komisioneri për Zgjerim Kos u takuan me liderët e Ballkanit Perëndimor duke dërguar një sinjal të qartë se zgjerimi i BE-së është prioriteti i tyre.
Gjatë dy javëve të fundit, unë iu drejtova një konference mbi situatën e sigurisë në Ballkanin Perëndimor të organizuar nga Ministria e Mbrojtjes në Greqi, mora pjesë në edicionin e këtij viti të Forumit MEDays në Marok dhe informova Shtetet Anëtare mbi gjendjen e lojës në Dialog.
Javët e ardhshme do të jenë po aq të ngarkuara të mbushura me një orar të ngjeshur takimesh dhe misionesh zyrtare.

kosove lajcak

Sondazh

Poll

MË SHUMË