Aktualitet

Vdekja e 62-vjeçares, e bija akuzon mjekët për neglizhencë! Mjeku: Për mua robt janë si miza, s’e rr*** për njeri

Ata shprehen se mjekët nuk i kanë dhënë nënës së tyre kujdesin e duhur duke i akuzuar për neglizhencë.

5 Dhjetor 2024, 21:01 Nga M.B
Vdekja e 62-vjeçares, e bija akuzon mjekët për
Foto nga emisioni

DURRËS- Vdekja e papritur e një 62 vjeçareje para një muaji bëri që familjarët të  hedhin akuza ndaj bluzave të bardha në Spitalin Rajonal të Durrësit. Ata shprehen se mjekët nuk i kanë dhënë nënës së tyre kujdesin e duhur duke i akuzuar për neglizhencë.

Eljana Koçi tregoi se e ëma kishte shenja infarkti dhe iu drejtuan Spitalit të Durrësit me shenja të qarta, por në fakt nuk u veprua në kohë. Mosveprimi në kohë nga ana e bluzave të bardha bëri që 62 vjeçarja të ndërronte jetë.  

“Mjeku i urgjencës thotë se e mori specialisten që të shkonte ta shihte mamin, specialistja thotë s’më mori. Nga ora 07:00 deri në orën 12:00 mami u mbajt në urgjencë me morfinë, pastaj u nis për Tiranë. E gjithë vonesa solli vdekjen e saj” thotë Eljana.

Fiksi solli me zë dhe figurë përballjen e mjekut të urgjencës Durrës me mjeken specialiste, ku fajësonin njëri- tjetrin. Ku mjeku i urgjencës i drejtohej kardiologes se e kishte njoftuar, ndërkohë që kardiologia e mohonte të ishte njoftuar nga kolegu i saj.

“Unë s’jam budallaqe të mos zbres te pacientja” thotë kardiologia. Në bisedë e sipër bashkë edhe me vajzën e të ndjerës mjeku i urgjencës Albion Kazazi shprehet ”Njerëzit më duken si miza , secili të mbaj fajin dhe përgjegjësinë që ka, unë nuk e rruaj fare”.

Në bisedën që u transmetua në emisionin Fiks Fare të dy mjekët pranojnë se bëjnë ping-pong për fajtorin, duke harruar që bëhet fjalë për humbjen e një jete./ Top Channel

durres

Sondazh

Poll

MË SHUMË