Aktualitet

EMRAT/ Akuzohen se kanë kryer mashtrim kompjuterik me fitime rreth 4 000 000 euro, arrestohen me qëllim ekstradimin në Itali 2 vëllezër

Sipas policisë, vëllezërit, kanë realizuar fitime rreth 4 000 000 euro, duke mashtruar me Call Center-a italianë.

5 Dhjetor 2024, 17:13 Nga M.B
EMRAT/ Akuzohen se kanë kryer mashtrim kompjuterik me fitime rreth 4 000
Foto ilustruese

TIRANA- Dy vëllezër janë arrestuar nën akuzën për mashtrim kompjuterik, gjatë një operacioni të koduar “Double click”. Bëhet fjalë për 32 vjeçarin Alban Sinanaj banues në Vlorë dhe 42 vjeçarin Shkelzen Sinanaj, banues në Tiranë. Sipas policisë, vëllezërit, kanë realizuar fitime rreth 4 000 000 euro, duke mashtruar me Call Center-a italianë.

Operacioni, u krye nga Drejtoria për Hetimin e Krimeve Kompjuterike dhe nga Drejtoria e Forcës së Posaçme Operacionale, në kuadër të një procedimi penal të SPAK-ut.

Njoftimi:

Finalizohet operacioni policor i koduar “Double click”.

Operacioni, nga Drejtoria për Hetimin e Krimeve Kompjuterike dhe nga Drejtoria e Forcës së Pocaçme Operacionale, në kuadër të një procedimi penal të SPAK-ut.

Akuzohen se kanë kryer mashtrim kompjuterik ndaj shtetasve italianë, prej të cilit kanë realizuar fitime rreth 4 000 000 euro, arrestohen me qëllim ekstradimin në Itali, 2 shtetas(vëllezër).

Gjatë operacionit “Double click”, u kapën dhe u vunë në pranga shtetasit A. S., 32 vjeç, banues në Vlorë dhe Sh. S., 42 vjeç, banues në Tiranë. Këta shtetas akuzohen për veprat penale “Mashtrimi kompjuterik”, kryer më shumë se një herë, dhe “Pastrimi i produkteve të veprës penale ose të veprimtarisë kriminale“.

Vijon bashkëpunimi me partnerët italianë, për ekstradimin e 2 shtetasve.

mashtrim kompjuterik

Sondazh

Poll