Politike

Çështja e Gërdecit/ Mbahet seanca e radhë, ish-ministri Fatmir Mediu pas daljes nga GJKKO: Nuk kisha autoritet për kalibrat

Në dalje të tij nga seanca, Media u ndal të fliste për gazetarët. Ish-minstri deklaroi se në postin e tij si ministër asokohe, ai nuk kishte autoritet dhe përgjegjësi për kalibrat.

26 Nëntor 2024, 13:30 Nga ZH.LL
Çështja e Gërdecit/ Mbahet seanca e radhë, ish-ministri
Mediu

TIRANË- Është mbajtur sot në GJKKO seanca e radhës ndaj ish-ministrit të Mbrojtjes, Fatmir Mediu, lidhur me tragjedinë e Gërdecit.

Në dalje të tij nga seanca, Media u ndal të fliste për gazetarët. Ish-minstri deklaroi se në postin e tij si ministër asokohe, ai nuk kishte autoritet dhe përgjegjësi për kalibrat.

Sipas Mediut, gjithnjë merret parasysh mendimi i shefit të shtabit të përgjithshëm të ushtrisë që është këshilltar edhe i kryeministrit dhe presidentit.

“Një ministër nuk mund të japë mendim për kalibrat. Mendimi vjen i firmosur nga shefi i Shtabit të Përgjithshëm, këshilltari i lartë ushtarak edhe i kryeministrit dhe presidentit. Ministri nuk mund të ketë autoritet për ta pyetur. Nuk do ishte korrekte dhe nuk do kishte mundësi ta bëjë. Nuk mund të vërë në mëdyshje akte që janë programi si demontimi apo praktika të mbrojtjes si anëtarësimi i Shqipërisë në NATO”, tha Mediu.

Ish-ministri Fatmir Mediu po përballet tashmë prej vitesh në GJKKO me akuzën e “Shpërdorimit të detyrës”, për ngjarjen e ndodhur në 15 mars 2008 në fshatin Gërdec, ku pas një shpërthimi në fabrikën e demontimit të armëve, humbën jetën 26 persona.

fatmir mediu seanca gerdeci

Sondazh

Poll

MË SHUMË