Politike

Bonusi i fundvitit, Rama: Disbursimi do të fillojë nga java e dytë e dhjetorit, ja sa përfitojnë pensionistët 

Rama tha se niveli i ri i ekonomisë i jep mundësinë qeverisë që të mendojë dhe të nxjerrë mënjanë edhe një fond tjetër po përsëri për pensionistët  për një bonus tjetër që s’ka qenë më parë, një bonus të pranverës.

26 Nëntor 2024, 11:05 Nga M.B
Bonusi i fundvitit, Rama: Disbursimi do të fillojë nga java e
Edi Rama

BULQIZA- Nga Bulqiza ku ndodhej për prezantimin e projektit për Parkun Tematik Retro, “Divizioni”, kryeministri Edi Rama ka dhënë lajmin se bonusi i fundvitit për pensionistët do fillojë nga java e dytë e dhjetorit. Ai shtoi se niveli i ri i ekonomisë i jep mundësinë qeverisë që të mendojë dhe të nxjerrë mënjanë edhe një fond tjetër po përsëri për pensionistët  për një bonus tjetër që s’ka qenë më parë, një bonus të pranverës. Rama tha se të moshuarit që marrin pensione deri në 20 mijë lekë të vjetra, do përfitojnë 150 euro bonus për fundvitit ndërsa ata me pension mbi 20 mijë lekë të vjetra do përfitojnë 100 euro bonus.

"Është fazë e re që lidhet me një nivel të ri të ekonomisë na jep mundësinë që sot në pak ditë të marrim një vendim, që para 2-3 vitesh, do të ishte i paimagjinueshëm vendimi për të vënë nga buxheti i shtetit 100 mln euro pensionistët drejtpërdrejt dhe që pensionistët që i kanë pensionet deri ne 20 mijë lekë të reja do të marrin 150 euro dhe ata mbi 200 mijë lekë do ta marrin 100 euro, të gjitha këto para do të fillojnë të disbursohen duke filluar nga java e dytë e dhjetorit.

Por, jo vetëm kaq, por ky nivel i ri i ekonomisë tonë na jep mundësinë të mendojmë dhe të mundemi dhe të nxjerrim mënjanë edhe një fond tjetër po përsëri për pensionistët  për një bonus tjetër që s’ka qenë më parë, një bonus të pranverës që do të jetë një bonus që edhe në mandatin e kartët do të vazhdojmë ta mbajmë në raport se çfarë na sjell më shumë se parashikimi rritja ekonomike", tha Rama.

edi rama

Sondazh

Poll

MË SHUMË