Aktualitet

Qendrat e emigrantëve në Shqipëri jashtë funksionit? Mediat italiane: Operatorët largohen nga Shëngjini e Gjadri, stafi ndryshon sipas nevojave të momentit

Mediat italiane shkruajnë se operatorët e qendrave të emigrantëve dhe efektivët e policisë do të kthehen në vendin e tyre brenda fundjavës.

23 Nëntor 2024, 09:10 Nga M.B
Qendrat e emigrantëve në Shqipëri jashtë funksionit? Mediat
Kampi

LEZHA- Punonjësit socialë të ‘Medihospes’, organit drejtues të Qendrave Italiane në Shqipëri për riatdhesimin e emigrantëve, do të largohen nga Shëngjini dhe Gjadri për t’u kthyer në Itali. Mediat italiane shkruajnë se operatorët e qendrave të emigrantëve dhe efektivët e policisë do të kthehen në vendin e tyre brenda fundjavës.

Sipas mediave në vendin fqinj, nga Ministria e Brendshme italiane rezulton se qendrat mbeten funksionale dhe të mbikqyrura, por aktualisht, stafi është reduktuar dhe ndryshon sipas nevojave të momentit. Konkretisht në Gjadër mbeten vetëm 7 punonjës të 'Medihospes' që merren me administrimin dhe pastrimin, si edhe staf shqiptar, përfshirë personelin shëndetësor. Po ashtu bëhet me dije se operatorët e tjerë do të kthehen të dielën e 24 nëntorit në Itali.

Italia dërgoi në Shqipëri fillimisht një grup prej 16 emigrantësh nga Bangladeshi dhe Egjipti muajin e kaluar. Katër prej tyre u kthyen në Itali në ditën e njëjtë, sepse ishin të mitur ose kishin probleme shëndetësore. Dymbëdhjetë të tjerët u kthyen mbrapsht tri ditë më vonë, pas një gjykatë në Romë më 18 tetor urdhëroi që ata të mos mbahen në Shqipëri për shkak vendet e tyre të origjinës, Bangladeshi dhe Egjipti, nuk ishin vende të sigurta.

Edhe më 11 nëntor Gjykatësit në Romë kanë refuzuar që të miratojnë ndalimin e një grupi emigrantësh në qendrat në Shqipëri, që operohen nga Italia, duke e dërguar këtë çështje te Gjykata Evropiane e Drejtësisë. Ky veprim paraqet një goditje të re për planin e kryeministres italiane, Giorgia Meloni, për të dërguar emigrantët në dy qendra të pritjes.

marreveshja per emigrantet me italine

Sondazh

Poll

MË SHUMË