Aktualitet

Policia e Kosovës aksion në Zveçan/ Konfiskohen armë, municion, veshje ushtarake

Policia në njoftimin e bërë për media ka bërë të ditur se aksioni është kryer në rrugën “Kralj Petri” në Zveçan nga njësitet policore.

19 Nëntor 2024, 15:43 Nga E. D
Policia e Kosovës aksion në Zveçan/ Konfiskohen armë,
pamje nga vendngjarja

KOSOVË- Policia e Kosovës ka realizuar sot një aksion në Zveçan, ku ka sekuestruar armë, municion e veshje ushtarake. Policia në njoftimin e bërë për media ka bërë të ditur se aksioni është kryer në rrugën “Kralj Petri” në Zveçan nga njësitet policore.

“Gjatë kontrollimit janë gjetur tre kavanozë (bure) plastikë të groposur në dhe, në të cilët kishte pasur uniforma ushtarake, armë AK47, granata dore dhe fishekë. Fillimisht një bure është gjetur nga njësitet e DRP Mitrovicë Veri, e më pas nga Njësia për Trajtimin e Mjeteve Eksplozive janë gjetur edhe dy bure të tjera”, thuhet në njoftim. 

Gjithashtu dëshmitë të cilat janë gjetur dhe janë marrë nga Policia janë: 1. 4 granata M75 2. dy pushkë automatike AK 47 3. gjashtë karikatorë me municion të AK 47 4. një karikator i zbrazët 5. 156 fishek të AK 47 6. 179 fishekë të M48 7. një antiplumb ushtarak, me dy pllaka 8. tri palë pantallona 9. katër jakne ushtarake 10. dy jelekë taktikë 11. dy gas maska 12. dy çanta krahu ushtarake 13. 5 rripa ushtarakë të brezit 14. një maicë e zezë.

policia e kosoves

Sondazh

Poll

MË SHUMË