Sport

Pas 60 minutash zyrtarët e UEFA-s dhe arbitri e konsideruan të braktisur ndeshjen… Kosova rrezikon!

Edhe zyrtarisht ndeshja mes Rumanisë dhe Kosovës u vendos të mbyllej me vetëm arbitrin në fushë dhe ekipin rumun.

16 Nëntor 2024, 00:48 Nga DOSJA
Pas 60 minutash zyrtarët e UEFA-s dhe arbitri e konsideruan të

RUMANI - Edhe zyrtarisht ndeshja mes Rumanisë dhe Kosovës nuk do të luhet pasi lojtarët dardanë kanë refuzuar që të dalin në fushë.

Po luhej minuta e 95-të e takimit kur kapiteni Amir Rrahmani udhëzoi ekipin që të dal nga fusha për shkak të thirrjeve anti – Kosovë nga tifozët rumunë. “Serbia, Serbia…” dhe gjuajtjet me sende të forta në fushë detyruan kapitenin e Kosovës që të marrë këtë vendim.

Pas më shumë se një ore, gjyqtari u rikthye sërish në fushë aty ku prezent ishin disa prej lojtarëve të Rumanisë. Megjithatë, ai iu bëri me dije se takimi nuk do të luhet përfundimisht për shkak se lojtarët e Kosovës nuk do të kthehen më në fushë.

Gjyqtari danez vërshëlleu tre here në shenjë të përfundimit të ndeshjes e cila do të kalojë më sipër tashmë për gjykim, por një vendim i tillë duket se e penalizon disi përfaqësuesen e Kosovës duke qenë se ishin vetëm ata që refuzuan të luhej takimi. Megjithatë për këtë gjë do të vendosë më tej UEFA dhe komisionet e saj.

B.T (Dosja.al)

Sondazh

Poll