Sport

Mesfushori danez Christian Eriksen mezi pret të punojë me Amorim, por duhet edhe “të mësojë disa shprehje në portugalisht"...

Mesfushori danez i Manchester United shpreson për pak më tepër “ajër më të pastër"

14 Nëntor 2024, 13:28 Nga DOSJA
Mesfushori danez Christian Eriksen mezi pret të punojë me Amorim, por

DANIMARKE - Aktualisht i fokusuar në kombëtaren daneze, Christian Eriksenit i kanë mbetur edhe dy ndeshje për të luajtur me ngjyrat e vendit të tij (Spanja dhe Serbia, përkatësisht më 15 dhe 18 nëntor), por mesfushori po mendon edhe për rikthimin në Mançester, ku do të takohet me trajnerin e ri Ruben Amorimin.

Një ndryshim që veterani danez e mirëpret, veçanërisht pasi ka shansin të fitojë një frymë të re, pasi së fundmi ai kaloi si zgjedhje e dytë për Erik ten Hag.

"Jam shumë i emocionuar që do të rikthehem. Di atë që ai ka arritur kohët e fundit dhe gjithashtu gjithçka që ka bërë për Sporting. Ai ka fituar shumë ndeshje. Shpresoj që ai të sjellë një frymë më të freskët. Le të shohim si shkon”,- tha danezi, i cili tashmë ka një sfidë tjetër për fillimet te United nën drejtimin e Amorimit. Dhe mund të ketë edhe ndihmë nga Morten Hjulmand në këtë detyrë.

"Mund të më duhet t'i kërkoj që të më mësojë disa fraza në portugalisht. Se jo vetëm Amorim mbërriti, por edhe një staf i tërë portugez. Kemi edhe disa portugez në skuadër që tashmë i njohin",- shtoi ai, duke aluduar për Diogo Dalot dhe Bruno Fernandes.

B.T (Dosja.al)

Sondazh

Poll

MË SHUMË