Sport

Paris SG i kërkon ndihmë FFF-së, për konfliktin e saj financiar me Kylian Mbappé!

PSG paraqiti një kërkesë për të diskutuar mosmarrëveshjen e saj financiare me Kylian Mbappé përpara komitetit ekzekutiv të FFF, pas vendimeve të favorshme për lojtarin përpara LFP. Një procedurë e rrallë që ka pak shanse për sukses.

14 Nëntor 2024, 09:30 Nga DOSJA

Paris SG i kërkon ndihmë FFF-së, për konfliktin e saj

FRANCE - Paris-SG ka paraqitur një kërkesë për të diskutuar mosmarrëveshjen e saj financiare me Kylian Mbappé, përpara komitetit ekzekutiv të FFF, pas vendimeve të favorshme për lojtarin përpara Ligës Profesionale të Futbollit (LFP), mësoi AFP nga një burim i afërt i dosjes.

I akuzuar nga sulmuesi, i cili kërkon 55 milionë euro paga të papaguara dhe shpërblime të tjera nga klubi kryeqytetas, komisioni ligjor i LFP rekomandoi ndërmjetësimin në shtator. Por, përballë refuzimit të lojtarit, ajo vendosi menjëherë t'i kërkojë PSG-së që ta paguajë këtë shumë brenda një jave.

PSG më pas apeloi, një apel që u shqyrtua në mesin e tetorit dhe që konfirmoi vendimin e parë, duke urdhëruar klubin të paguante 55 milionë euro, gjë që PSG refuzoi menjëherë ta bënte.

Kërkesa në FFF është dorëzuar javën e kaluar. Ajo “është duke u përpunuar” dhe potencialisht mund të refuzohet, tregoi burimi i përmendur më sipër. Kjo është një procedurë e përdorur rrallë dhe ka pak shanse për sukses.

Një burim i afërt me menaxhmentin e klubit shpjegoi kohët e fundit për AFP, se PSG do t'i përdorte këto mjete "si një çështje parimi", në vend që të priste që çështja të shkonte përpara gjykatës industriale në një procedurë afatgjatë. Konflikti e gjen origjinën e tij në ekzistencën e një marrëveshjeje gojore të miratuar" në gusht 2023, midis sulmuesit dhe presidentit të kampionëve francezë, Nasser al-Khelaïfi.

B.T (Dosja.al)

Sondazh

Poll

MË SHUMË