Sport

Performanca e çmendur e Mohamed Salah, ‘mbretit’ të Europës…

Mohamed Salah vazhdon të shkruajë emrin e tij në historinë e Liverpoolit dhe futbollit evropian.

11 Nëntor 2024, 08:00 Nga DOSJA

Performanca e çmendur e Mohamed Salah, ‘mbretit’ të

ANGLI - Ne nuk flasim shumë për këtë, por fillimi i sezonit të Mohamed Salah është thjesht sensacional. Anësori i Liverpoolit tashmë ka 10 gola dhe 10 asistime në vetëm 16 ndeshje në të gjitha garat.

Sërish të shtunën, ndërkombëtari egjiptian ishte një nga arkitektët e mëdhenj të fitores së kuqezinjve ndaj Aston Villas, me një gol dhe një asistim. Ish-lojtari i AS Romës është një lojtar i veçuar dhe vazhdon të shkruajë emrin e tij në historinë e futbollit evropian. 

Mohamed Salah po shijon plotësisht vitin e fundit të kontratës me Liverpoolin, duke shumëfishuar paraqitjet shumë të mira me Reds. Anësori i djathtë është lojtari i parë që arrin 10 gola dhe 10 asistime për një klub evropian në “Top 5”, në të gjitha garat, këtë sezon.

Egjiptiani e arriti këtë sukses në secilin nga katër sezonet e tij të fundit në Liverpool. Ndërkombëtari egjiptian është thjesht unikal. Nëse ky i fundit do të largohej qershorin e ardhshëm, do të linte një boshllëk të madh në sulmin e skuadrës së Anfield.

B.T (Dosja.al)

Sondazh

Poll

MË SHUMË