Sport

Arteta: "Më Milano do të kërkojmë të fitojmë. Interi ka një identitet të madh"

Trajneri i Arsenalit në prag të sfidës ndaj zikaltërve italianë: "Këto janë ndeshjet që duam t’i luajmë"

6 Nëntor 2024, 08:30 Nga DOSJA

Arteta: "Më Milano do të kërkojmë të fitojmë.

ITALI - "Ne kemi ardhur në Milano për të provuar të fitojmë, ata kanë luajtur në një finale të Champions League dy vjet më parë: këto janë ndeshjet që duam t’i luajmë."

Këto ishin fjalët e trajnerit të Arsenalit, Mikel Arteta, në prag të ndeshjes së Champions League në San Siro kundër Interit. "Unë mendoj se Interi ka një identitet të shkëlqyeshëm dhe kjo falë trajnerit të tyre.

Ai di se si t'i bëjë lojtarët të zënë hapësira në mënyra të paparashikueshme, është një problem me të cilin përballemi edhe në Premier League dhe do të shohim se si ta bëjmë nesër (sot)." shtoi ai.

Dhe përsëri: "Lajmi i mirë është kthimi i Odegaard, ai është mirë dhe dëshironte të qëndronte me grupin. Unë do të vendos nesër nëse do ta përdor apo jo. Njerëzit e admirojnë dhe e respektojnë, ai është një nga lojtarët tanë më të rëndësishëm dhe talentet tona më të mëdha, por edhe një nga liderët tanë. Ai e ka fituar këtë status në skuadër.

Fatkeqësisht, Declan Rice pësoi një dëmtim gjatë ndeshjes kundër Newcastle, ai nuk ishte shumë mirë dhe vendosëm të presim fundjavën për të parë nëse ai do të jetë në formë”.

B.T (Dosja.al)