Politike

SHIFRAT/ Kryebashkiakja e Durrësit e bëri rrogën e saj 2.9 milionë lekë pas miratimit në Këshillin Bashkiak, magazinierët, shoferët, sanitarët dhe rojet asnjë rritje

Atë ditë, këshilltarët e opozitës braktisën mbledhjen, duke e cilësuar vendimin si të padrejtë dhe të papërshtatshëm.

4 Nëntor 2024, 15:22 Nga M.B
SHIFRAT/ Kryebashkiakja e Durrësit e bëri rrogën e saj 2.9
Emiriana Sako

DURRËS- Kryetarja e Bashkisë Durrës, Emiriana Sako dhe kabineti i saj do të përfitojnë rritje pagash pas miratimit të bërë javën e shkuar nga Këshilli Bashkiak. Kjo rritje, bazuar në shifra është shumë më e lartë krahasuar me punonjësit e nivelit bazë. Atë ditë, këshilltarët e opozitës braktisën mbledhjen, duke e cilësuar vendimin si të padrejtë dhe të papërshtatshëm.

Gjithsesi, Sako rriti pagën e saj me 56,7%, duke e çuar atë nga 1 milion e 850 mijë lekë në 2 milion e 900 mijë lekë të vjetra në muaj. Rritje me 40,6 % u bë edhe për tre zv.kryetarët  Renis Mullaj, Elio Jani dhe Gentian Kallmi, të cilët që nga data 1 shtator do të paguhen 2 milion e 250 mijë lekë të vjetra, nga 1 milion e 600 mijë lekë që merrnin më parë. Ndërkohë, 55,6 % është rritur paga për sekretarin e përgjithshëm të bashkisë.

Gjithashtu është rritur edhe pagesa për këshilltarët bashkiakë, e cila nga 185 mijë lekë të vjetra shkon në 290 mijë lekë. Për drejtorët e drejtorive, rritja është në masën 55 %. Rritjen më të madhe e ka përfituar drejtuesja e kabinetit me 86,7%, si dhe këshilltari i kryetares së bashkisë dhe zëdhënësi i institucionit me 90.8 % rritje.

E papërfillshme është rritja e pagave mujore për magazinierë, shoferë, roje, sanitare dhe punonjës të tjerë administrativë, paga e të cilëve varionte nga 400 mijë-470 mijë lekë të vjetra në muaj dhe tani bëhet për të gjithë në 470 mijë për të gjithë.

emirjana sako

Sondazh

Poll

MË SHUMË