Bota

Përmbytjet në Spanjë, ja momentet e para të katastrofës në Valencia (VIDEO)

Videoja tronditëse tregon se si një kaskadë e fortë uji derdhet papritur në rrugë, duke i detyruar automjetet të ndalojnë.

1 Nëntor 2024, 17:43 Nga E. D
Përmbytjet në Spanjë, ja momentet e para të katastrofës
pamje nga permbytjet

SPANJË- Pamje të reja janë publikuar që tregojnë shpejtësinë e pabesueshme të përmbytjeve që goditën Valencian, duke vrarë më shumë se 200 njerëz, ndërsa kapi në befasi popullsinë. Një video e shpërndarë në X tregon momentin kur ndodhi katastrofa. Videoja tronditëse tregon se si një kaskadë e fortë uji derdhet papritur në rrugë, duke i detyruar automjetet të ndalojnë.

Siç shihet edhe në video brenda pak sekondash, rrugët përmbyten me ujëra kafe dhe mbeturina, ndërsa kalimtarët që u kapën në mënyrë në befasi nxitojnë të gjejnë një vend ku të futen. Në një video të veçantë të shpërndarë në TikTok, e cila u filmua nga ballkoni i një ndërtese apartamentesh, tregon se si në më pak se një orë rrugët u përmbytën plotësisht. Gjithashtu video tregon se si në orën 19:17, erërat e forta goditën qytetin e Valencias, Benetusser.

Më pak se 20 minuta më vonë në orën 19:33, pamjet tregojnë se si rrugët fillojnë të bllokohen, ndërsa njerëzit përpiqen të ikin drejt vendeve të sigurta. Por deri në orën 19:40, vetëm shtatë minuta pasi u filmua video e dytë, ujin i turbullt përmbyt rrugët, ndërsa njerëzit në makina përpiqen të largohen. Në orën 20:00, rrugët janë zhytur plotësisht në ujë, përfshi edhe automjetet.

Në këtë moment, në qytet është shpallur gjendja e alarmit. Përmbytjet monstruoze në Valencia kanë marrë më shumë se 200 jetë, ndërsa ekipet e shpëtimit kanë vazhduar të kërkojnë trupa në makina të bllokuara dhe ndërtesa të rrënuara.

permbytjet ne spanje

Sondazh

Poll

MË SHUMË