Aktualitet

U kap duke punuar në fermë kanabisi, arrestohet 25-vjeçari shqiptar në Spanjë

Siç raportohet i riu kishte tentuar të arratisej por u kap nga agjentët e policisë, që kishin rrethuar zonën.

31 Tetor 2024, 17:53 Nga E. D
U kap duke punuar në fermë kanabisi, arrestohet 25-vjeçari
policia spanjolle

SPANJË- Një 25-vjeçar shqiptar është arrestuar nga policia spanjolle, pasi u zbulua një fermë kanabisi. Siç raportohet i riu kishte tentuar të arratisej por u kap nga agjentët e policisë, që kishin rrethuar zonën.

Ferma e kanabisit u zbulua për shkak se godina ku ishte vendosur shpenzonte energji elektrike të barazvlefshme me 25 banesa të tjerë. Kjo çoi në dyshimet se një aktivitet i paligjshëm ndodhte në godinë, ndërsa Garda Civile u pajis me një vendim gjykate për të ushtruar kontroll.

Në godinë u zbuluan 506 bimë që kultivoheshin në 5 dhoma. Gjatë kontrollit, me të gjitha pajisjet që funksiononin në të njëjtën kohë, teknikët e kompanisë elektrike matën 301 amper, një konsum i barabartë me atë të 75 shtëpive.

policia spanjolle

Sondazh

Poll

MË SHUMË