Politike

Berisha: Të shtunën në ora 12:00, opozitarët marshim me mosbindje civile në Shkodër

Në një deklaratë për mediat, Berisha tha se në shenjë solidariteti me qytetarët e Shkodrës, të shtunën në orën 12:00 do të mbahet një protestë. 

31 Tetor 2024, 13:35 Nga I.A
Berisha: Të shtunën në ora 12:00, opozitarët marshim me
Sali Berisha

TIRANË- Kreu i Partisë Demokratike Sali Berisha ka shprehur solidaritetin me çdo qytetar të Shkodrës, ndaj të cilëve, Edi Rama përdor krimin për ti mposhtur. Në një deklaratë për mediat, Berisha tha se në shenjë solidariteti me qytetarët e Shkodrës, të shtunën në orën 12:00 do të mbahet një protestë. 

"Ndaj dhe unë sot jam këtu për të shprehur solidaritetin tim më të thellë me secilin qytetar të Shkodrës, ndaj të cilëve, Edi Rama përdor krimin, mafian më agresive për ti mposhtur, frikësuar ata, për të ua bërë qytetin e tyre të pajetueshëm. Në shenjë solidariteti me qytetarët e Shkodrës, ftoj të gjithë opozitarët kudo që janë, të shtunën në ora 12:00 në Shkodër, solidaritet me qytetarët e këtij vendi, me këtë qytetar të bekuar, si dëshmi që nuk do të pranojmë kurrë që krimi të mposhtë Shkodrën dhe shkodranët. Në këtë protestë, mosbindje civile, ne i themi jo, dhunës së mafias së Edi Ramës.

Kjo mosbindje civile do të duhej të thirrej në Tiranë, por dëshiroj tu shprehim nga afër të gjithë solidaritetin tonë, qytetarëve të Shkodrës për të cilët Edi Rama ka zgjedhur hanxharët e krimit me qëllim e vetëm që të mbledhin vota, sepse i doli fytyra se kush është në Durrës. Shqiptarët e panë se votat e Edi Ramës ishin pazar me Avdylët, me Troplinët me Dervishët, me serial killër të Durrësit. Dhe tani pas këtij deskriditimi kërkon që votat ti sigurojë me Bajrët dhe bandat e tyre kriminale. Ndaj dhe ftoj të gjithë opozitaret dhe opozitarët, në ora 12:00 në Shkodër, solidaritet, mbështetje qytetare për banorët e mrekullueshëm, për qytetarët fisnik të këtij qyteti," tha Berisha. 

sali berisha

Sondazh

Poll

MË SHUMË