Politike

Takime me pesnionistët në Fier/ Ministri Blendi Gonxhja: Fokusi ynë kryesor janë pagat, çon direkt në rritjen e kontributeve!

Gonxhja tha se është deklarimi i plotë i pagave ai që do të ndikojë në skemën e pensioneve.

29 Tetor 2024, 13:51 Nga ZH.LL
Takime me pesnionistët në Fier/ Ministri Blendi Gonxhja: Fokusi
Blendi Gonxhja

FIER- Ministri i Ekonomisë, Kulturës dhe Inovacionit, Blendi Gonxhja në fjalën e tij në takimet me pensionistët ku ndahen pikëpamje për skemën e pensioneve, theksoi se pagat janë fokusi kryesor i qeverisë. Gonxhja tha se është deklarimi i plotë i pagave ai që do të ndikojë në skemën e pensioneve.

Ministri Gonxhja u shpreh se politikat e gabuara të së shkuarës kanë ndikuar në problemet me të cilat përballet sot skema e pensioneve. Gonxhja tha se sfida me pensionet nuk është vetëm ajo me të cilën qeveria përballet sot, por kalon më herët, në vitin 2013.

"Fokusi kryesor i joni janë pagat, i gjithë themeli i asaj që ndikon dhe efekton pensionet janë kontributet, paga reale, paga sa më e lartë. Ky është fokusi ynë, çon direkt në rritjen e kontributeve. Do të ishte përpjekja jonë më e madhe dhe më e suksesshme në raport me skemën e pensioneve për të ulur deficitin.

Kjo që të rrisim mundësinë nga ana e buxhetit të shtetit që të ndërhyjmë si përmes rrijtjes së të ardhurave, uljes së deficitit, për të krijuar një mundësi më të madhe për të ndërhyrë direkt në rritjen e pensioneve gradualisht në vitet që vijnë.", tha ministri Gonxhja.

fier pensionistet skema e pensioneve belndi gonxhja

Sondazh

Poll

MË SHUMË