Sport

PSG, 94 goditje pa shënuar në Champions League… Hakimi ndërpret serinë

Skuadra franceze nuk kishte arritur të shënojë në Champions League që nga prilli i vitit të kaluar, nga goli i tyre i fundit i Kylian Mbappe kundër Barcelonës në çerekfinalet.

25 Tetor 2024, 09:30 Nga DOSJA

PSG, 94 goditje pa shënuar në Champions League… Hakimi

FRANCE - U desh një gabim i Walter Benitez në gjuajtjen nga distanca të Achraf Hakimit për t'i dhënë fund ecurisë së pabesueshme të Paris Saint-Germain.

Skuadra franceze nuk ka arritur të shënojë në Champions League që nga prilli, pavarësisht se ka pasur 94 goditje në portë që nga goli i tyre i fundit, ai i Kylian Mbappe kundër Barcelonës në çerekfinalet e sezonit të kaluar.

PSG gjuajti 14 herë në ndeshjen e parë kundër Borussia Dortmundit dhe 30 në kthim, pa e gjetur asnjëherë rrjetën. Ndaj Gironas pati 26 konkluzione para autogolit të Paulo Gazzaniga (që nuk përfshihet në këtë statistikë të veçantë).

10 të tjera kundër Arsenalit, më pas 13 kundër PSV-së përpara goditjes së fitores së mbrojtësit maroken në barazimin 1-1 kundër PSV-së. Sipas të dhënave të Opta, këto 94 goditje duhet të kishin rezultuar në pothuajse 9 gola.

Kësisoj PSG e ka tejkaluar rekordin e pakënaqur të Benfica-s (të dhënat janë mbledhur nga sezoni 2003-2004), e cila midis shtatorit 2017 dhe tetorit 2018 shënoi, pasi kishte gjuajtur 90 herë në porta. Në vendin e katërt është Lyon, midis dhjetorit 2006 dhe tetorit 2007 (86 goditje), një më pak se ato të marra nga Liverpool midis nëntorit 2005 dhe shtatorit 2006.

B.T (Dosja.al)

Sondazh

Poll

MË SHUMË