Sport

Dani Olmo u kthye dhe pret ‘El Clasico’ e parë: "Eshtë ndeshja më e mirë në Evropë, ne mund ta mposhtim Real Madridin"

Dani Olmo është përballur tre herë në karrierën e tij me Real Madridin, të gjitha të veshur me fanelën e Leipzig.

25 Tetor 2024, 08:00 Nga DOSJA

Dani Olmo u kthye dhe pret ‘El Clasico’ e parë:

SPANJE - Dani Olmo u rikthye të mërkurën në fushë pas pesë javësh mungesë pas dëmtimit të pësuar në derbin ndaj Gironas.

Sulmuesi spanjol luajti pesëmbëdhjetë minutat e fundit të fitores 4-1 të Barcelonës kundër Bayern Munichut dhe tani mezi pret të përjetojë emocionet e ‘El Clasico’, në të cilën katalanasit arrijnë si favorite, pasi janë të parët në renditje: “Në një ndeshje si kjo nuk ka favorite. Është ndeshja më e mirë që mund të luhet në La Liga dhe në Evropë”.

Dani Olmo është përballur tre herë në karrierën e tij me Real Madridin, të gjitha të veshur me fanelën e Leipzig. Në sezonin 2022-2023 u përballën me ‘Los Blancos’ në fazën e grupeve të Champions League, duke fituar 3-2.

Vitin e kaluar ata u takuan sërish në fazën e 16-të: në ndeshjen e parë, në Red Bull Arena, ndeshja përfundoi 0-1, ndërsa ndeshja e kthimit në Bernabéu përfundoi në barazim (1-1).

Para dëmtimit të tij, Dani Olmo kishte luajtur tre ndeshje në La Liga për Barcelonën dhe e kishte gjetur gjithmonë rrjetën. Tani ai ndihet njëqind për qind i gatshëm të përballet me rivalin e tij të përjetshëm.

B.T (Dosja.al)

Sondazh

Poll

MË SHUMË