Politike

Korreshi nga Strasburgu: Mungesë e theksuar informacioni nga kanalet qeveritare, ndërkohë që PE sensibilizohet me opozitën

Korreshi u shpreh se ditën e sotme u ve re një mungesë e theksuar informacioni nga kanalet mediatike qeveritare.

23 Tetor 2024, 12:59 Nga ZH.LL
Korreshi nga Strasburgu: Mungesë e theksuar informacioni nga kanalet
Saimir Korreshi nga Strasburgu

STRASBURG- Deputeti i Partisë Demokratike, Saimir Korreshi ka folur nga protesta para Parlamentit Europian. Korreshi u shpreh se ditën e sotme u ve re një mungesë e theksuar informacioni nga kanalet mediatike qeveritare. Ndërkohë gjatë fjalës së tij, Korreshi theksoi se ka patur një lloj kureshtjeje dhe sensibiliteti nga PE-ja.

"E para e punës, një herë propaganda apo kasetat që funksionojnë në Shqipëri si duket kanë funksionuar mirë e bukur dhe këtej dhe ka pasur një boshllëk, mungesë të theksuar informacioni nga kanalet e tyre edhe pse ka pasur një lloji sensibiliteti nga PE. Takimi i rëndësishëm që është bërë nga përfaqësia jonë, nga deputetët e shumtë dhe pritet të bëhen takime dhe të tjera, ka qenë një ditë kjo e ngjeshur, por kanalet nuk kanë funksionuar.

Mosfunksionimi i shtetit shqiptar bën që të shkrihen të gjitha pushtetet (Ekzekutiv, Gjyqësor dhe Legjislativ) në një dorë të vetme, ku absolutisht nuk janë përcjellë këtej dhe kjo realisht është për të ardhur keq. Këtu deputetët kanë interesin e të gjithëve dhe ata të rinjtë që ishin për herë të parë në Parlamentin Europian janë shprehur se si ka mundësi që një grup parlamentar ka lënë parlamentin e Shqipërisë për të ardhur këtu", tha Korreshi.

saimir korreshi pe protesta e opozites ne pe

Sondazh

Poll

MË SHUMË