Sport

VIDEO/ Natë e frikshme për Boniface: aksident me makinë dhe përfundimi në spital!

Nga shtrati i spitalit, Boniface donte të qetësonte ndjekësit dhe fansat e Leverkusenit me një mesazh në profilin zyrtar X: "Zoti është më i madhi".

21 Tetor 2024, 08:30 Nga DOSJA

VIDEO/ Natë e frikshme për Boniface: aksident me makinë dhe

GJERMANI - Një natë e vështirë për Victor Boniface. Sulmuesi nigerian i Bayer Leverkusen u përfshi në një aksident të frikshëm me makinë mbrëmë pas fitores së djeshme të Bundesligës kundër Eintracht (2-1).

Sipas BILD, lojtari ishte në autostradën A3 midis Bad Camberg dhe Idstein, duke u nisur për në aeroportin e Frankfurtit, pak pas orës shtatë të së dielës, kur Mercedesi u përplas me një kamion. Sulmuesi nuk ishte në timon, por thjesht po udhëtonte me shoferin.

Sipas policisë, drejtuesi i mjetit ka humbur kontrollin e makinës nga lodhja dhe është kthyer nga korsia qendrore në të djathtë në kamion. Madje Mercedesi është përmbysur nga përplasja.

Fatmirësisht, Bayer Leverkusen raportoi se Boniface "është mirë". Boniface pësoi vetëm dy lëndime të lehta në dorë. Shoferi 59-vjeçar i kamionit ka mbetur i padëmtuar, por dëmi total ka shkuar në pak më pak se 200 mijë euro.

Megjithatë, në rrjetet sociale Boniface postoi foto të rrënojave nga aksidenti dhe më pas u dërgua në spitalin e urgjencës. Sapo mbërriti atje, pikërisht nga shtrati i spitalit, ai donte të qetësonte ndjekësit dhe fansat e Leverkusenit me një mesazh në profilin zyrtar X: "Zoti është më i madhi".

Dëmtimet e rënda u përjashtuan, por video e postuar në rrjetet sociale ku shihet dora e gjakosur nga një prerje e pësuar në aksident. E njëjta video tregonte dëmin e pësuar nga makina e tij, me mbulesë të thyer plotësisht. Dhe të mendosh se lojtari 23-vjeçar kishte luajtur për Leverkusenin e Xabi Alonso-s, duke shënuar edhe golin në minutën e 71-të. Të gjitha këto disa orë para aksidentit.

B.T (Dosja.al)

Sondazh

Poll

MË SHUMË