Aktualitet

Operacion antidrogë në Selanik, zbulohet shtëpia e barit, arrestohet 39-vjeçari shqiptar dhe bashkëpunëtori i tij grek

Mësohet se të arrestuarit janë një 35-vjeçar grek dhe një 39-vjeçar nga Shqipëria. Arrestimi i tyre ka ardhur nën akuzën e kultivimit, trafikimit dhe mbajtjes së lëndëve narkotike.

20 Tetor 2024, 16:35 Nga N.F
Operacion antidrogë në Selanik, zbulohet shtëpia e barit,
Sendet e sekuestruara

SELANIK- Dy persona janë vënë në pranga nga autoritetet greke në Selanik. Mësohet se të arrestuarit janë një 35-vjeçar grek dhe një 39-vjeçar nga Shqipëria. Arrestimi i tyre ka ardhur nën akuzën e kultivimit, trafikimit dhe mbajtjes së lëndëve narkotike.

Gjatë operacionit policior mësohet se u zbulua një hapësirë me 75 bimë marijuane, të kultivuara në vazo për fidanishte, të vendosura në një banesë të përdorur nga të arrestuarit në një zonë të Selanikut. Gjatë hetimit u gjetën dhe u konfiskuan pajisjet e përdorura për kultivimin e tyre, si dhe dy kamera sigurie.

Gjithashtu, të fshehura në furrën elektrike dhe në ambiente të tjera të shtëpisë, janë gjetur dhe konfiskuar shtatë pako marijuane, me peshë totale 2 kg e 349 gramë, si dhe dy pako me kanabis çokollatë me peshë 68 gramë. Në një banesë tjetër që përdorej në Selanik, u gjetën dhe sekuestruan 49 gramë marijuanë. Gjatë operacionit u sekuestruan 2 automjete, 980 euro dhe 2 celularë.

selanik arrestohet shqiptari droge

Sondazh

Poll

MË SHUMË