Aktualitet

Anija e parë me emigrantë u nis sot nga Italia, zbulohet sa do të jetë numri i refugjatëve që do të mbërrijnë në Shqipëri

Personat e brishtë, si gra e minorenë ose të sëmurë e të moshuar, që janë shpëtuar gjatë natës së shkuar në ujërat ndërkombëtare janë dërguar në tokën italiane, pra në kampet e Lampeduzës.

14 Tetor 2024, 19:20 Nga r.ll
Anija e parë me emigrantë u nis sot nga Italia, zbulohet sa do të
kampi ne gjader

ITALI- Anija "Libra e Marinës" është nisur sot drejt Shqipërisë për të sjellë grupin e parë të emigrantëve në qendrat e ngritura në Lezhë, ku refugjatët do t'iu nënshtrohen procedurave të përshpejtuara kufitare.

Sipas burimeve zyrtare për SYRI TV, emigrantët e parë që do mbërrijnë në Shqipëri janë vetëm 16 meshkuj, të cilët janë shpëtuar në ujërat ekstraterritoriale, ndërsa asnjë prej tyre nuk ka prekur ujërat italiane. 16 emigrantët e parë janë nga Bangladeshi dhe Egjipti, ndërsa pritet të mbërrijnë në vendin tonë ditën e mërkurë.

Personat e brishtë, si gra e minorenë ose të sëmurë e të moshuar, që janë shpëtuar gjatë natës së shkuar në ujërat ndërkombëtare janë dërguar në tokën italiane, pra në kampet e Lampeduzës.

Çfarë ndodh pas mbërritjes në Shqipëri?

Sapo anija të mbërrijë në portin e Shëngjinit, emigrantët do të zbresin dhe do t'i nënshtrohen një kontrolli të dytë, më të plotë. Më pas ata do të transferohen në Gjader, ku janë tre struktura të dorëzuara vetëm më 9 tetor te Ministria e Brendshme italiane për testim: një qendër për ndalimin e azilit të aplikantëve me 880 vende (nga të cilat vetëm 400 janë gati deri më sot, më pak se gjysma), një CPR me 144 vende dhe një burg i vogël me 20 vende. 

Pikërisht këtu emigrantët që i nënshtrohen procedurave të përshpejtuara kufitare do të ndalohen me një urdhër të nënshkruar nga komisioneri i policisë së Romës, i cili duhet të vërtetohet brenda 48 orëve nga gjyqtarët e seksionit të emigracionit të Romës në pritje. Brenda katër javë merret një vendim për refuzimin e mundshëm të kërkesave të tyre për azil, i cili do t'i detyronte ata të riatdhesoheshin.

marreveshja me italine per emigrantet

Sondazh

Poll

MË SHUMË