Aktualitet

Djali mbyti nusen në Itali, flet babi i Lulzim Tocit: Djali merrte ilaçe kundër depresionit! Psikiatri më paralajmëroi se nëse e lija vetëm mund të bëjë diçka të madhe

Babai i autorit më tej u shpreh se çifti para 6 muajsh ishin divorcuar por u pajtuan dhe djali i tij erdhi nga Italia dhe mori gruan me vete. Ai theksoi se gjatë periudhës pas divorcit djali i tij merrte ilaçe për depresion.

10 Tetor 2024, 14:04 Nga N.F
Djali mbyti nusen në Itali, flet babi i Lulzim Tocit: Djali merrte
Xhelal Toçi

TIRANË- Prindërit e Lulzim Toçi i cili mbyti bashkëshorten në sy të dy fëmijëve të mitur në Itali kanë treguar detaje në lidhje me marrëdhënien mes çiftit. Xhelal Toçi, babai i autorit u shpreh se  lajmin e ka marrë vesh në 12 të natës. Ai më tej u shpreh se kishte konflikte.

Babai i autorit më tej u shpreh se çifti para 6 muajsh ishin divorcuar por u pajtuan dhe djali i tij erdhi nga Italia dhe mori gruan me vete. Ai theksoi se gjatë periudhës pas divorcit djali i tij merrte ilaçe për depresion.

Ai u shpreh se djali i tij kurohej prej një viti, ndërsa është paralajmëruar nga mjeku që të mos ta linte të birin vetëm, pasi ekzistonte mundësia që të kryente diçka të rëndë. 

“Lajmin e morëm vesh në 12 të natës nga gazetarët. Çifti kishte ngatërresa, kishin konflikte por u pajtuan. Erdhi nga Italia dhe e mori.

Djali prej një viti ishte i sëmurë, pasi bëri divorcin me bashkëshorten merrte ilaçe për depresionin. E çova në Peshkopi dhe më pas në Tiranë. Doktori i Tiranës më tha mos e lini djalin vetëm sepse mund të bëjë diçka të madhe. Kokrrat i kanë bërë dëm sepse ka ndërruar ilaçet. I pinte çdo ditë ilaçe. Jemi të frikësuar, policia na ka thënë mos dilni jashtë”, u shpreh ai.

vrasja e 24-vjeçares shqiptare ne itali lulzim toci

Sondazh

Poll