Sport

“Një trajner shumë i mirë, por nuk jam unë ai që vendos”: Jim Ratcliffe shmang komentet për Erik Ten Hag...

Bashkëpronari i Manchester United, Jim Ratcliffe refuzoi të diskutonte të ardhmen e afërt të trajnerit të tij, Erik Ten Hag, i cili është kontestuar ashpër për rezultatet zhgënjyese. Sipas tij, vendimi do të merret nga menaxhimi i përditshëm të klubit.

5 Tetor 2024, 09:30 Nga DOSJA

“Një trajner shumë i mirë, por nuk jam unë ai që

ANGLI - E ardhmja e Erik Ten Hag në Manchester United mesa duket nuk do të vendoset nga Jim Ratcliffe. “Nuk dua t'i përgjigjem kësaj pyetjeje. Më pëlqen Eriku. Mendoj se ai është një trajner shumë i mirë, por në fund të fundit nuk jam unë ai që vendos”,- tha bashkëpronari i Manchester United për BBC të premten.

Themeluesi i Ineos theksoi dyshen e formuar nga Dan Ashworth, drejtor sportiv dhe Omar Barrada, drejtor ekzekutiv i “Djajve të Kuq”. “Është ekipi drejtues i Manchester United që duhet të vendosë se si ta menaxhojë më mirë ekipin”, shtoi Ratcliffe, duke kujtuar se të dy burrat kanë në detyrë vetëm “për disa muaj”.

I dominuar nga Tottenham (0-3) fundjavën e kaluar, Manchester United ka një fillim katastrofik të sezonit, me vendin e 13-të dhe vetëm dy fitore në gjashtë ditë në Premier League.

Në Ligën e Evropës, lojtarët e Ten Hag pësuan një barazim (3-3) në sekondat e fundit, pasi kryesuan me dy gola në fillim të ndeshjes. “Ne jemi bashkë, pronarët, ekipi drejtues, stafi”, siguroi trajneri holandez këtë të premte.

“Qëllimi ynë është shumë i qartë, ne duam ta kthejmë Manchester Unitedin atje ku duhet të jetë, dhe kjo nuk është ende rasti, natyrisht. Është shumë e qartë”,- shpjegoi miliarderi britanik që është në krye të Manchester United që nga shkurti.

B.T (Dosja.al)

Sondazh

Poll

MË SHUMË