Sport

Lajmi i mirë për yllin francez, Pogba përfiton uljen e dënimit, mund të luaj nga sezoni i ardhshëm!

31-vjeçari u pezullua vitin e kaluar pasi në gjakun e tij u gjet substanca dehidropiandrosteroni (DHEA), një përbërës që nxit prodhimin e hormoneve në trup duke përfshirë testosteronin.

4 Tetor 2024, 23:56 Nga DOSJA

Lajmi i mirë për yllin francez, Pogba përfiton uljen e

FRANCE - Gjykata e Arbitrazhit Sportiv (CAS) ka reduktuar në 18 muaj pezullimin katërvjeçar të Paul Pogbasë nga futbolli për doping. 31-vjeçari u pezullua vitin e kaluar pasi në gjakun e tij u gjet substanca dehidropiandrosteroni (DHEA), një përbërës që nxit prodhimin e hormoneve në trup duke përfshirë testosteronin.

Pas pezullimit, Pogba lëshoi një deklaratë duke mohuar 'marrjen e vetëdijshme ose të qëllimshme të çdo suplementi që shkel rregullat antidoping', duke konfirmuar gjithashtu synimin e tij për të apeluar. Ky apel tani është dëgjuar nga CAS, i cili e ka ulur dënimin e tij nga katër vjet në 18 muaj. Vendimi i ri do të thotë se ai mund të rifillojë stërvitjen në janar, për të pasur mundësinë që në mars të kthehet në fushat e gjelbra.

Pavarësisht ndalimit të tij fillestar prej katër vitesh, Pogba ka mbetur nën kontratë me Juventusin dhe për këtë arsye do të jetë i disponueshëm për t'u përzgjedhur për skuadrën e Thiago Mottas në pjesën e dytë të sezonit. Paraqitja e tij më e fundit ishte në shtator 2023, kur ai u shfaq si zëvendësues i pjesës së dytë gjatë fitores 2-0 të Juves në Empoli.

B.T (Dosja.al)