Sport

Szczesny po i afrohet Barçës: ndodhej në Montjuic për ndeshjen ndaj Young Boys

"Po, kam folur me të, por nuk dua të them asgjë tjetër. Nëse ai nënshkruan për Barçën në ditët në vijim, mund të flasim për këtë më mirë në konferencën e radhës për shtyp”.

2 Tetor 2024, 10:00 Nga DOSJA

Szczesny po i afrohet Barçës: ndodhej në Montjuic për

SPANJE - Wojciech Szczesny po i afrohet Barcelonës. Mungon vetëm njoftimi zyrtar, por ish-portieri i Juventusit ishte në tribunë mbrëmjen e djeshme në Montjuic për të ndjekur ndeshjen e Blaugranëve ndaj Young Boys, e vlefshme për ditën e dytë të Champions League.

Hansi Flick ishte i kënaqur. Trajneri i Barcelonës kishte kërkuar në mënyrë specifike që të punësonte një portier me përvojë, për të përballuar sezonin aktual dhe marrëveshja me Szczesny tani është në pritje.

Por nga fjalët e lëshuara nga trajneri gjerman, polaku nuk do të ketë një vend të përhershëm të garantuar dhe do të duhet të luftojë me Iñaki Peña për ta marrë atë: “Zakonisht nuk flas për lojtarë që nuk janë pjesë e skuadrës, por unë mund të them se asnjë lojtar i Barçës nuk ka garanci për të qenë titullar”,- është përgjigjur Flick në pyetjen në lidhje me ardhjen e afërt të ish-lojtarit të Juventusit.

Gjithashtu duke zbuluar se ai kishte pasur tashmë një bisedë me të: "Po, kam folur me të, por nuk dua të them asgjë tjetër. Nëse ai nënshkruan për Barçën në ditët në vijim, mund të flasim për këtë më mirë në konferencën e radhës për shtyp”. Më poshtë është fotografia në X e Szczesnyt në stadium duke ndjekur Barcelonën…

B.T (Dosja.al)

Sondazh

Poll

MË SHUMË