Sport

Tani e kanë bërë rrugë… një ekip arbitrash shqiptarë janë caktuar nga UEFA për të vendosur drejtësi në Conference League

Pesë arbitra shqiptarë janë caktuar për të gjykuar ndeshjen Heidenheim - Olimpija Ljubljana, e vlefshme për Conference League…

1 Tetor 2024, 17:52 Nga DOSJA

Tani e kanë bërë rrugë… një ekip arbitrash

TIRANE - Raportohet se një gjashtëshe gjyqtarësh shqiptarë do të vendosë drejtësi në Conference League, kompeticion që do të nisë ndeshjet në grupe këtë të enjte.

UEFA ka publikuar gjyqtarët për ndeshjet e mesjavës në kompeticionet europiane dhe i ka besuar ndeshjen Heidenheim - Olimpija Ljubljana një ekipi arbitrash shqiptarë.

Enea Jorgji do të jetë gjyqtari kryesor në sfidën mes gjermanëve dhe sllovenëve, që do të luhet të enjten në orën 18:45. Denis Rexha dhe Ridiger Çokaj do të jenë asistentët e kryesorit, ndërsa Eldorjan Hamiti do të jetë gjyqtar i katërt.

E gjitha skuadra e arbitrave në ndeshjen e Conference League, Heidenheim - Olimpija Ljubljana, do të jetë shqiptare, pasi në VAR do të jetë Kreshnik Barjamaj, ndërsa asistent i VAR-it Juxhin Xhaja.

Një tjetër vlerësim për “bilbilat” shqiptarë, pasi një javë më parë një treshe gjyqtarësh shqiptarë vendosi drejtësi në ndeshjen e Europa League AZ Alkmaar - Elfsborg.

B.T (Dosja.al)

Sondazh

Poll

MË SHUMË