TIRANË- Kryeministri Edi Rama ka publikuar sot draftin final të projekt-ligjit i njohur si paketa anti-shpifje. Në një reagim në mediat sociale, Rama ka publikuar drafin me ndryshime ku shihet një tërheqje e qeverisë, si në masat e gjobave ashtu dhe në rolin që do ketë Këshilli i Ankesave të AMA-s.
Në reagim Rama ka bërë edhe një herë thirrje se ligji do të miratohet nesër dhe sipas tij është dakordësuar 100% me OSBE-në. Po ashtu shprehet se ka keqardhje për ata që janë ankuar për mungesën e lirisë dhe kanë folur pa asnjë ligje me ligjin.
REAGIMI I PLOTË
Projekti do të hyjë nesër për miratim në seancë pas një pune të përbashkët thuajse njëvjeçare me OSBE e i dakordësuar 100% me ekspertët e zyrës së Vienës nën drejtimin e @harlemdesir. I falenderoj për kontributin e çmuar dhe angazhimin në vazhdim për aktet nënligjore #Antishpifje. Keqardhje për ata që lirinë e shprehjes e përdorin për t’u ankuar për mungesën e lirisë; për ata që nxjerrin deklarata pa lidhje fare me ligjin e ri; për ata që çirren për diktat imagjinar mbi mediat dhe për të gjithë bashkë që as nuk e kanë lexuar tekstin http://www.parlament.al/News/Index/9800
Deklaratat vijnë një ditë para se të kalojë në Kuvend paketa anti-shpifje. Komisioni i Ligjeve, miratoi dje në parim paketën e cila do të kalojë në Kuvend më 18 dhjetor, me disa ndryshime të papërfillshme, siç është përzgjedhja përmes konkurrimit, e Bordit të Ankesave, një këshill i cili do të ketë fuqi për të gjobitur dhe mbyllur portalet. Ndërkohë që tek “Media”, anëtarët vendosën të ulnin gjobën për portalet në maksimumi 4 milionë lekë të vjetra, por socialistët nuk tërhiqen nga ekzekutimi i gjobës para vendimit të gjykatës. Është kjo një nga pikat më të nxehta të paketës anti-shpifje, e njoftuar prej 2 vitesh nga Rama, me arsyetimin se mediat online duhet të funksionojnë në bazë të rregullave. Komuniteti i gazetarëve, intelektualëve dhe organizatat në mbrojtje të të drejtave të njeriut, kanë dalë kundër draftit, pasi sipas tyre bie në kundërshtim me Konventën për të Drejtat e Njeriut. Me këtë paketë, Shqipëria bëhet vendi i parë në Evropë që gjobit gazetarët me vendime administrative, dhe i jep fuqi të plotë AMA-s, si një gjykatë për mediat.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
FUSHË MAMURRAS- Presidenti Ilir Meta vizitoi banesat e dëmtuara nga tërmeti në Fushë Mamurras, ku disa nga banorët i kanë kërkuar presidentit të verifikojë...
TIRANE- Prokuroria e Përgjithshme jep njoftimin zyrtar për ish-kandidatin e zgjedhur për kryebashkiak në Shkodër, Valdrin Pjetri. Në një njoftim zyrtar, PP bën ...
TIRANË- Ish-deputeti i Partisë Demokratike, Ervin Salianji iu është rikthyer sërish çështjes “Babalja”, ku edhe ka ripublikuar disa përgjiime, në të...
Tiranë– Ditën e sotme, Presidenti Ilir Meta priti sot në një takim Këshillin Ndërfetar të Shqipërisë, për të diskutuar mbi situatën e pas tërmetit të 26 nëntori...
TIRANË- Deputeti i Partisë Socialiste, Musa Ulqini, një nga hartuesit e draftit për Paketën Anti-shpifje, ka njoftuar se deri në muajin prill 2020 me mirat...
Durrës- Kryetari i Partisë Demokratike, Lulzim Basha ka zhvilluar ditën e sotme takim me banorët e prekur nga tërmeti në Shënavash të Durrësit. Ai ka deklaruar ...
Tiranë- Kryetarja e LSI-së Monika Kryemadhi për pakten anti-shpifje, e cila pritet të miratohet ditën e nesërme në Kuvend është shprehur se kryeministri Edi Ram...
BRUKSEL- Komisionerja e Këshillit të Europës për të drejtat e Njeriut, Dunja Mijatoviç ka komentuar projektligjet e Paketës Anti-shpifje, që do të votohe...
DURRËS- Kryeministri Edi Rama ka zhvilluar ditën e sotme takime me të prekurit nga tërmeti në zonën e Durrësit. Nuk ka munguar edhe një debat mes tij dhe n...