Politike

"Nuk pajtohem kurrë me ata që përdorin Amerikën për të mbuluar krimet e tyre!" Berisha: Të korruptuar janë diplomatët që kërkuan publikisht arrestimin tim!

Sipas tij, Amerika nuk është e madhe për asnjë shkak tjetër, por për hapësirën e lirisë, për shtetin ligjor, për Kushtetutën e saj.

14 Shtator 2024, 14:18 Nga M.B
"Nuk pajtohem kurrë me ata që përdorin Amerikën
Sali Berisha

TIRANA- Kreu i Partisë Demokratike, Sali Berisha, ka zhvilluar sot një konferencë për shtyp ku ka folur në lidhje me akuzën e ngritur nga SPAK ndaj tij dhe dhëndrit të tij Jamarbër Malltezit. Berisha tha se të korruptuar janë diplomatët që kërkuan arrestimin e tij. Ai shtoi se nuk pajtohet me ata që përdorin Amerikën për të mbuluar krimet e tyre. Sipas tij, Amerika nuk është e madhe për asnjë shkak tjetër, por për hapësirën e lirisë, për shtetin ligjor, për Kushtetutën e saj.

Pjesë nga fjala e Berishës:

Të korruptuar janë diplomatët që kërkuan arrestimin e Sali Berishës. Publikisht e kanë bërë. I korruptuar është McGonigali që punoi për manipulimin e dosjes. Unë nuk mund t’i injoroj këto.

Ja ku janë ‘heronjtë e fëmijëve tanë’. Por, unë besoj fort te vlerat. Unë nuk pajtohem kurrë me ata që përdorin Amerikën për të mbuluar krimet e tyre, për të mbuluar trafiqet e tyre.

Në botëkuptimin tim, Amerika nuk është e madhe për asnjë shkak tjetër, por për hapësirën e lirisë, për shtetin ligjor, për Kushtetutën e saj.

sali berisha

Sondazh

Poll